Vetëvritet një nga truprojat, ja shkaku që jep ushtria…

Çështja ndoshta do të mbyllet si një vetëvrasje e qëllimshme “për arsye sentimentale”, pasi Ushtria mblodhi informacione mbi ngjarjen e ndodhur në Pallazo Grazioli.

25 vjeçari Enrico De Mattia, 25 vjeç, me gradën kaporal, pjesëtar i regjimentit ushtarak të Sardegna-s, hyri në tualet dhe qëlloi veten me pistoletë.

“Misteri” për vdekjen e De Mattia mbetet dhe do të mbetet, ashtu si për dy shokët e tjerë: nëse është sentimentale apo jo, drama nuk është shmangur edhe për këtë vdekje të tretë tragjike, raportojnë mediat italiane, duke iu referuar edhe dy vetëvrasjeve të kryera në të njëjtin regjiment në muajt e fundit.
Shtabi i Përgjithshëm i Ushtrisë i ka kërkuar mediave të mos spekulojnë me ngjarjen.

Gjenerali Salvatore Farina ka shprehur ngushëllimin për familjen e të ndjerit, duke shkuar vetë në shtëpinë e kaporalit për të shprehur respektin dhe dhimbjen e Forcave të Armatosura.

Enrico De Mattia ishte pjesë e grupit të shoqërimit të ish-Kryeministrit, Silvio Berlusconi, raportojnë mediat italiane.

Vetëvrasja kishte ndodhur të premten, por fillimisht Shtabi i Përgjithshëm i Ushtrisë kishte mbajtur lajmin konfidencial vetëm për të marrë kohën e duhur për të informuar të afërmit e djalit.

Prindërit e De Mattia, pasi njoftuar për ngjarjen tragjike, janë shoqëruar për në Romë nga Salerno, ku ata banojnë. Edhe të afërmit e De Mattia konfirmuan se herën e fundit djali kishte shprehur shqetësimet sentimentale, edhe pse sigurisht askush nuk do të mendonte gjestin ekstrem .