Vetingu për gjyqtarin Lazaj, nis me debate seanca/ Ja pasuriia e zbuluar nga KPK
Seanca e Vetting-ut për gjyqtarin e Tiranës Artan Lazaj ka nisur me debate mes avokatit mbrojtës dhe trupës gjyqësore, pas një kërkese të mbrojtjes për përjashtimin e një anëtari të trupit gjykues.
Avokati i Artan Lazajt i ka thënë kryesueses se trupit gjykues në KPK, se ajo dikur në një çështje gjyqësore ka kërkuar përjashtimin e subjektit në Vetting.
Me këtë arsyetim, avokati Sokol Hazizaj tha se dhe Brunilda Bekteshi si kryesuese e kësaj seance duhet që të përjashtohet pasi ka konflikt interesi me subjektin e rivlerësimit.
“Ju zonja Brunilda Bekteshi keni bërë një kërkesë për përjashtimin e gjyqtarit Artan Laze me nr 458 në 2016, që të është rrëzuar kërkesa për përjashtimin e Lazes.
Ne do ju japin dokumentacionin, sqaroj se për këtë shkak ne duam përjashtimin e një anëtari të trupit gjyqësor, sipas nenit të Kodit të Procedurës Cvile, pasi sot jemi vënë në dijeni nga zyra e kancelarit të gjykatës për këtë fakt, pra ekziston njëanshmëria në gjykimin e kësaj çështjeje”, tha avokati.
Por kryesuesja e trupës gjykuese sqaroi se “kjo trupë ju ka kërkuar përmes postës elektronike të deklarojnë nëse ka pasur konflikt interesi me trupën dhe është informuar se nuk ka konflikt interesi. Subjekti është në dijeni lidhur me procesin që unë kam pasur si përfaqësuese e shoqërisë ku kam punuar, por unë e administroj këtë kërkesë dhe trupa tërhiqet për të vendosur për kërkesën tuaj”.
Pas debatit Komisioni i Pavarur i Kualifikimit ka marrë në shqyrtim kërkesën e avokatit Sokol Hazizaj. Por kjo kërkesë u rrëzua në fund, nga një trup tjetër dhe ajo që kishte marrë në shqyrtim subjektin e rivlerësimit.
KPK në relacionin e saj për gjyqtarin Artan Lazaj, ka thënë se ka kryer një hetim të thellë mbi të ardhurat dhe shpenzimet dhe ka rezultuar se ka kryer hetim të thellë. KPK ka deklaruar se ka administruar deklaratën e ILDKPI për hetimin pasuror.
Sipas KPK, gjyqtari Lazaj ka një apartament në Bulqizë, ka një apartament me sipërfaqe 158 m2 në “Rrugën e Kosovarëve”, një apartament me sipërfaqe 120 m2 në “Rrugën e Durrësit”, tokë kullote në Porto Palermo në Vlorë në vlerën 200 mije lekë, një makine Benz të blerë nga KQZ si dhe një apartament në Vlorë”.
