Vetingu, seanca në KPK zgjat më pak se 30 minuta/ Ja gjyqtarja që kaloi testin…
Komisionit të Pavarur të Kualifikimit i ka mjaftuar më pak se gjysmë ore seancë dëgjimore me gjyqtaren e Gjykatës së Kurbinit, Marçela Shehu, e cila është gjyqtarja e radhës që kalon në sitën e Vettingut.
Seanca dëgjimore e kryesuar Brunilda Bekteshi, me anëtar Lulzim Hamitaj dhe relator Olsi Komicin nisi në orën 10:00. Gjyqtarja nuk preferoi të perfaqësohet nga ndonjë avokat.
Fillimisht u bë indentifikimi i gjyqtares përmes kartës së identitetit dhe më pas njohja e saj me materialet.
KPK konstatoi se subjekti ka qenë bashkëpunues, teksa relatori Komici tha se bazuar në deklarimet e ILKPI gjyqtarja justifikon pasurinë, nuk ka bërë fshehje të pasurisë dhe as deklarim të rremë.
Sa i takon vlerësimit të figurës, Komici tha se DSIK ka kryer vlerësimin dhe ka dërguar një raport ku konstaton përshtatshmërinë e Marçela Shehut.
Vetë gjyqtarja Marçela Shehu tha se është njohur me hetimin dhe verifikimet e KPK-së ndaj saj dhe është dakord me punen e kryer prej Komisionit, duke kërkuar konfirmimin në detyrë.
Gjithçka përfundoi në orën 10:24, teksa seanca për dhënien e vendimit u caktua me 4 qershor 2018 ora 10:00.
Gjyqtarja e Kurbinit, Marçela Shehu, është kandidate për në Këshillin e Lartë Gjyqësor.
Pasuria
Relatori Olsi Komici tha se “verifikimi i KPK konstaton se në deklaraten veting 2017 ka deklaruar shtëpi banimi 100m2 jo ne pronesi te saj, ende te palegalizuar, është e depozituar nga vjehrri. Makine Mercedes Benz 6000 euro, 50% pronare, para cash 1 350 000 lekë. Depozite kursimi per femije 100 304.51 lekë. KPK vlerësoi raportin nga ILDKPI, informacionet nga organet shteterore apo persona fizike ose juridike”.
Vlerësimi i figurës
Per vlerësimin e figurës, gjyqtari Komici nënvizoi se DSIK ka kryer vlerësimin dhe ka derguar nje raport ku konstaton përshtatshmërinë e Marçela Shehut.
“Inspektoriati i KLD per aftesite profesionale ka pergatitur raportin perkates ku konstaton se subjekti ka njohuri ligjore, aftesi, aftesi per te perballuar ngarkese, per te administruar dosjet, etike, integritet dhe paanesi, aftesi komunikimi dhe per te bashkepunuar. Për Marçela Shehun u vlerësuan ankesa nga qytetarë. Pergjate periudhes se rivleresimit nuk eshte dhene asnje mase disiplinore”.
