Vetting, bie edhe një anëtar i Gjykatës Kushtetuese

Komisioni i Pavarur i Kualifikimit vendosi të shkarkojë nga detyra edhe një  gjyqtar të Gjykatës Kushtetuese.

Gani Dizdari, sipas KPK-së, pati probleme me pasurinë dhe integritetin e figurës.

Trupa gjykuese vlerësoi se gjyqtari Dizdari ka kontakte të papërshtatshme dhe probleme me pasurinë. E para ka të bëjë me nipin e tij A. L. i dënuar vite më parë për “ushtrim të ndikimit të paligjshëm te personat që ushtrojnë funksione publike”.

Fjala është për një rast të vitit 2012, ku ai me disa persona të tjerë, po ushtronin ndikim tek një trup gjykuese në Gjykatën e lartë për të liruar një të dënuar me 20 vjet burg për vrasje.

Sipas Komisionit të Pavarur të Kualifikimit, gjyqtari Gani Dizdari ka udhëtuar disa herë jashtë vendit me automjetin e nipit të tij, bazuar në të dhënat e sistemit TIMS.

Gjithashtu, sipas relatorit të çështjes, Roland Ilia, problem është edhe pasuria e gjyqtarit Gani Dizdari.