Vetting në politikë, Basha: T’i japim fund pandëshkueshmërisë!

Duke bërë thirrje për t’i dhënë fund pandëshkueshmërisë, Kryetari i Partisë Demokratike, Lulzim Basha, thekson se duhet pastruar politikën nga të gjithë ata që kanë abuzuar me besimin e qytetarëve, me vettingun në politikë!”

Shqipëria është vendi më i varfër në Europë, sepse është vendi më i korruptuar i Europës. Një mijë e një hallet e njerëzve që rropaten për një jetë më të mirë, e sipërmarrësve që luftojnë për të mbijetuar në një ekonomi jo konkuruese, e të moshuarve të ndrydhur nga pensioni i pamjaftueshëm, i të rinjëve që ëndërrat i kanë çdo ditë e më shumë larg Shqipërisë, janë një thirrje për t’i dhënë fund pandëshkueshmërisë ,” thekson Lulzim Basha në reagimin e tij përmes rrjetit social Twitter duke përfunduar:

“Për ta pastruar politikën nga të gjithë ata që kanë abuzuar me besimin e qytetarëve, duke pasuruar veten dhe një grusht të vogël njerëzish, vetting në politikë!”