Vettingu i KPK nul, prokurori Dritan Peka shkarkohet nga KPA
Kolegji i Posaçëm i Apelimit, KPA, ka shkarkuar nga detyra kryetarin e Prokurorisë së Apelit Tiranë, Dritan Peka, kryesosht për cënim të besimit të publikut te drejtësia, pasi Komisioneri Publik e apeloi vendimin e konfirmimit të tij në të tre kriteret.
Përkundë faktit që KPK e kishte vlerësuar të pastër, KPA e hetoi nga e para Dritan Pekën në të tre kriteret: pasurinë, figurën dhe profesionalitetin.
Komisioneri Publik argumentoi se vendimi i KPK-së kishte probleme përsa i përket hetimit ndaj prokurorit Dritan Peka dhe KPA duhej të vendoste shkarkimin e tij për deklarim të pamjaftueshëm dhe për cënim të besimit të publikut te drejtësia.
