Vettingu në Politikë, Basha: Ja 5 rregullat për zbatimin e këtij procesi…

Pasi e hodhi në tregun politik idenë e “vettingut në politikë” dhe e jetësoi me një Draft të dorëzuar pranë Parlamentit të Shqipërisë, kryetari i Partisë Demokratike, Lulzim Basha u sulmua nga sejmenët e Edi Ramës, duke e hedhur poshtë apriori me idenë se ky lloj vettingu është i pamundur të realizohet sepse nuk e bëjnë dot politikanët “Vettingun në Politikë”.

Sot kryetari i Partisë Demokratike, shkoi një hap para dhe zbuloi 5 rregullat kryesore për mënyrën se si do të bëhet vetingu i politikanëve dhe nuk përkon me kundërshtitë e Edi Ramës.

“Vetingu nuk do të bëhet nga politika apo Parlamenti por do të ketë një strukturë të veçantë me profesionistë të pavarur. Kjo strukturë do të ketë mbikqyrje ndërkombëtare dhe ky proces do jetë tërësisht i pavarur nga ai i drejtësisë,” thekson Lulzim Basha duke shtuar se procesi i vettingut do jetë i thjeshtë, i ngjashëm me dekriminalizimin.

Pesë Rregullat kryesore, thekson kryetari i Partisë Demokratike, Lulzim Basha, të Vettingut të Politikanëve janë:

1.Vetingun e politikanëve nuk do ta bëjë politika, Nuk do ta bëjë Kuvendi.

2.Struktura e vetingut do të përbëhet nga profesionistë  të pavarur nga politika.

3.Vetingu i politikanëve do të ketë mbikqyrje ndërkombëtare.

4.Vetingu i politikanëve do të jetë krejtësisht i pavarur nga ai i drejtësisë.

5. Vetingu i politikanëve do të jetë i thjeshtë dhe transparent si dekriminalizimi, që nxori nga Kuvendi dhe zyrat e shtetit 333 persona me të kaluar kriminale.

 Deklarata e plotë:

Kryetari i PD, Lulzim Basha zbuloi 5 rregullat kryesore për mënyrën se si do të bëhet vetingu i politikanëve. Vetingu nuk do të bëhet nga politika apo Parlamenti por do të ketë një strukturë të veçantë me profesionistë të pavarur. Kjo strukturë do të ketë mbikqyrje ndërkombëtare dhe ky proces do jetë tërësisht i pavarur nga ai i drejtësisë. Procesi i vetingut do jetë i thjeshtë i ngjashëm me dekriminalizimin.

5 RREGULLAT KRYESORE TË VETINGUT TË POLITIKANËVE

1.Vetingun e politikanëve NUK do ta bëjë politika, NUK do ta bëjë Kuvendi.

2.Struktura e vetingut do të përbëhet nga PROFESIONISTË TË PAVARUR nga politika.

3.Vetingu i politikanëve do të ketë MBIKQYRJE NDËRKOMBËTARE.

4.Vetingu i politikanëve do të jetë krejtësisht I PAVARUR nga ai i drejtësisë.

5. Vetingu i politikanëve do të jetë i THJESHTË dhe TRANSPARENT si dekriminalizimi, që nxori nga Kuvendi dhe zyrat e shtetit 333 persona me të kaluar kriminale