Vettingu në Politikë/ Debati, PS: Opinion nga Venecia, PD: Pse keni frikë?!

Ligjërimin politik të Edi Ramës për  Vettingun në Politikë, deputetët e Partisë Socialiste e kanë zhvendos edhe në Këshillin e Legjislacionit ku Partia Demokratike duhej të shpaloste propozimin e saj.

Kryetari i Komisionit të Ligjeve dhe deputeti i PS, Ulsi Manja me demagogjinë ekstreme që e karakterizon tha se deputetët kanë të drejtën e votës për amendim të Kushtetutës por jo të drejtën për ta shkelur atë. Dhe, hap thonjëzat duke cituarn Edi Ramën me gojën e tij: Nëse do ta bëjnë apo jo vetingun në politikë, do të kërkohet opinion i Komisionit të Venecias!

Debati në Këshill nuk kishte se si të ishte ndryshe kur seancën e kryeson një ministër i Brendshëm i Enver Hoxhës

Ruçi: Çfarë propozimi ke?

Alibeaj: Po më lër ore, ça ke siklet, pse ke siklet, ai ju ka thënë bëni ç’është e mundur ta shtyni në kalendat greke dhe të fusni shkopinj në rrota.

Manja: Ne kemi të drejtën e votës, edhe për Kushtetutën, por në asnjë mënyrë nuk kemi monopol për të shkelur kushtetutën dhe rregulloren e Kuvendit kur bëhet fjalë për nismë kushtetuese që kërkon amendim të Kushtetutës. Propozojmë si relatore, Vasilika Hysin. Kërkojmë opinion nga Komisioni i Venecias

Alibeaj: Pse keni frikë, pse doni ta shtyni, pse keni frikë nga barazia e ligjit. 4 vite e rrahët si çështje vetingun e prokurorëve, angazhuat shoqërinë civile, publikun, ekspertë. Ça ka këtu për ekspertizë artificiale për Venecian? Keni kurajo politike për ta pranuar apo jo, do ta bëjmë apo jo. Kur Balla tha se e kam mik atë, nuk ju pyeti juve, ku Xhafaj mbronte vëllanë, nuk ju pyeti juve, kur Çyrbja fliste në telefon me bandën e Shullazit nuk ju pyeti, për çfarë keni frikë ju?

Pas debateve, forcat politike kanë përcaktuar relatorët dhe ekspertët.

Nga PD relator do të jetë Oerd Bylykbashi dhe ekspert Gazment Bardhi.

Ndërsa nga mazhoranca relatore do të jetë Vasilika Hysi, ndërsa ekspertë do të jenë Artur Metani dhe Gledion Llatja.