Vettingu në Politikë/ Kërcënimi, Berisha: Votojeni, ndryshe: Ja vdekje, ja liri!

Për tu pranuar “Vettingu në politikë” nga mazhoranca socialiste nuk është se  e kishte menduar njeri, por askush nuk e kishte menduar se komunistët e Edi Ramës do ta degradojnë këtë çështje kaq të rëndësishme deri në këtë masë.

Pas tritolit të Reformës në Drejtësi, Ulsi Manja dhe papagallit të kryeministrit, Blerina Gjylameti a vlenë të diskutohet?! Përgjigjen në këtë pyetje mund ta japin vetëm psikologët, por deputetët e Partisë Demokratike ishin të detyruar si propozues të shpëtimit të politikës shqiptare përmes këtij mekanizmi që filtron atë që mund të filtrohet, të marrin fjalën edhe kur njerëz si Ulsi dhe Gjylameti flasin!    

Duke parë këtë situatë të rënduar, dhe drejtimin të cilin po merrte debati, pas disa ndërhyrjeve, Ish-presidenti, Sali Berisha i bëri thirrje mazhorancës që ta votojnë “Vettingun në politikë”, ose përndryshe forca do t’i shkulë nga këto karrige dhe se në rrugët e Shqipërisë do ushtojë:

“O djem rrëmbeni armët, ja vdekje ja liri!”

Pjesë nga fjala e Berishës:

Ne jemi sot në një seancë nga më të rëndësishmet që kemi zhvilluar ndonjëherë në ekzistencën e pluralizmit politik këto 6 vitet e fundit. Sot ne vijmë këtu në një kohë kur për shkak të lidhjeve me krimin, bajlozët e krimit dhe bandat të kësaj maxhorance, në atë shkallë sa.. natyrisht jo tek të gjithë, por prapa shumë prej këtyre unë shoh, Shullazët, Habilajjt, Lul Berishën, e me radhë banda të tërë, të cilëve drejtësia mund t’ua shkulte dhembët brenda dy muajve nëse nuk do ti mbështeste kjo maxhorancë.

Në krye të tyre kanë krye banditin, kreun e meduzës, të gjitha këto kanë sjellë një situatë dëshpërimi që nuk ka ekzistuar që nga viti ’91. Kanë sjellë një rrënim e largim masiv të të rinjve shqiptarë, largim të investitorëve të huaj dhe vrasje shprese në cdo zemër e mendje shqiptare.

Ramës mund t’i vesh 100 epitete por njëri është më i vërtetë: shpresëvrasës.
Rama me lidhjet e tij me bandat, Shullazët, Bajrat, etj, ka shtuar kirmin në sistem dhe i ka kyçur dyert e Europës Shqipërisë.
Ne dy raporte ekselente të KE bëhen të pavlerë nga Këshilli i Ministrave Evropiane dhe dyert rrinë të mbyllura.
Ky amendament do të ishte një shenjë pozitive për hapjen e dyerve. Këto që them nuk janë “fiction” por kanë emër, dhe kanë maxhorancën. Ndaj dhe ju e konsideroni këtë si grackën ku shpirti i kriminelit kapet si laraska.
Komisioni i Venecias ka thënë se kjo është një nismë legjitime sepse në Shqipëri lidhjet me krimin në të gjitha nivelet janë një realitet. Jam dakord që ka probleme, dakord që ky proces mund të përdoret për qëllime politike, atëherë qëndrimi është që të ulemi dhe të draft-ojmë ligjin që askush të mos mund ta përdorë atë për qëllime pulitke, në mënyrë që në këto ulëse të mos ulen kokat e mafies.

Rama e filloi karrierën e tij me një vilë të ndërtuar dhe më falni qytetarë se dje ju dhashë informacion të gabuara, sot i kam të sakta, të ndërtuara në katër bunker, në total banon në një sipërfaqe prej 1 mijë metër katrorë. Ju ftoj ta hidhni poshtë këtë studentë. Klikoni në google eardh dhe do të gjeni çdo gjë të përshkruar për sarajet e Ramës.

Palo burra, palo kriminelë.. pse ju nuk pranoni amendamentin? Pranoni dhe të ulemi mes nesh të marrim dhe ekspertë ndërkombëtarë dhe ta bëjmë model për mbarë rajonin, por ju nuk e donin.

Edhe një herë ju bëj thirrje, momenti është kritik, unë ua them se bëni një gabim, më të rëndin që mund të keni bërë, nëse ju përdorni kartonët e zeza, të nxira të krimit siç i keni… Në rast se ju përdorni sot këtu, diktatin e krimit si përfaqësues të tij për të hedhur poshtë këtë amendament, i cili do të bënte historinë për shqiptarët, përndryshe ju garantoj se forca do t’u shkulë nga këto karrige, për ndryshe në rrugët e Shqipërisë do ushtojë: O djem rrëmbeni armët, ja vdekje ja liri!