Vettingu në Politikë/ Përgjigje Edi Ramës, Basha: Hajduti psiqik nuk shpëton nga lidhjet me krimin!

Pas publikimit të opinioni final të Komisionit të Venecias për Vettingun në Politikë, kryeministri nxitoi për ta vlerësuar si dështim të opozitës ndërsa akzuoi kryetarin e Partisë Demokratike, Lulzim Basha, ashtu siç bëri me Unazën e Re, Shkozën, Bregun e Lumit dhe së fundi Studentët, me komentet jashtë realitetit të profileve të tij në rrjetetsociale dhe vjedhjeve që ndodhin vetëm brenda oborrit të tij kryeministror.  

I menjëhershëm ka qenë reagimi i kryetarit të PD, Lulzim Basha, i cili duke falënderuar Komisionin e Venecias i cili hapi dritën jeshile për vettingun e politikanëve i bëri të qartë Edi Ramës:

“Asgjë nuk e shpëton hajdutin psiqik nga lidhjet me krimin! Koha kur politikanët janë mbi ligjin po mbaron! “

Ndryshe, Edi Rama nga kulla e tij e fluturave tregoi edhe një herë se ai nuk përfill realitetin që është jashtë botës së tij virtuale, që po e përjetojnë të gjithë shqiptarët.

Derisa të gjithë e lexuan opinionin final të Komisionit të Venecias që kërkesën e opozitës e  vlerëson si synim legjitim për largimin e të implikuarve nga qeverisja dhe jeta politike, Edi Rama e quan Gjojaveting dhe sulmon kryetarin e Partisë Demokratike, Lulzim Basha.

Reagimi i plotë i Lulzim Bashës:

Hajduti psiqik ka 9 ditë që nuk kupton as shqipen, pale pastaj anglishten!

Mirënjohje Komisionit të Venecias që hapi dritën jeshile për vetingun e politikanëve.

Asgjë nuk e shpëton hajdutin psiqik ngalidhjet me krimin! Koha kur politikanët janë mbi ligjin po mbaron! 

Postimi i Edi Ramës

“Eh Artist, s’më vjen mirë për ty,po ti s’ve mend!Vate e u mbyt në ujin e Venecias edhe Gjojavetingu yt, një nga ato manovrat etua në xunkth që e kanë bërë PD aq shumë joserioze në sytë e njerëzve, sa jenihedhur në ilegalitet për të penguar Dialogun mes studentëve e qeverisë.”