Vettingu në Politikë/ Replika me komunistët që nuk duan Parlament të Pastër…

Prej orës 11:00 në seancën plenare të Parlamentit të Shqipërisë ka filluar debati rreth Projektligjit të propozuar nga opozita për “Vetting në politikë”.

Ndonëse u krijua ideja se pas opinionit të Komisionit të Venecias gjithçka do të ishte e qartë, dh edo të punohej në drejtim të mekanizmave të saktë për zbatimin e këtij vettingu, ndodhi e kundërta.

Deputeti i PD, Oerd Bylykbashi, si përfaqësues i partisë propozuese të Vettingut në politikë tha se me amendamentet e propozuara prej opozitës mbyllet hapësira për të anashkaluar ligjin për dekriminalizimin. Ndërkohë përfaqësuesi i mazhorancës, prej të cilit si kreu i Komisionit të Ligjeve pritej një kontribut serioz, Ulsi Manja erdhi një propozim kriminal: Ftoi deputetët ta rrëzojnë projektligjin!

Oerd Bylykbashi: “Me këto amendamente mbyllet hapësira me të cilën ju menduat se mund të anashkaloni ligjin për dekriminalizimin. E keqja më e madhe janë drejtuesit e grupit parlamentar, me në krye Edi Ramën që i hapi portën nga brenda institucioneve demokratike duke i lejuar kriminelëve të penetrojnë.  Sepse Rama e ka dizenjuar këtë plan për ti futur brenda. Ata i sjellin votat.

Bëni mirë, thërritin mendjes, pranoni Komisionin e Venecias, uluni në dialog konstruktiv me ne dhe t’i hapim rrugë vetingut në politikë. Në mënyrë që ti hapet rruga edhe studentëve.”

Ulsi Manja: “Në zhargonin e përditshëm Venecia ka thënë që xhaketa e nëj deputeti të mazhorancës nuk mund t’i vishet një deputeti të opozitës dhe anasjelltas. Edhe pse dikush në këtë sallë mund të pretendojë për ngjashmëri trupore.  Paralelizmat e qëllimshme që përpiqet të bëjë opozita me vetingun e prokurorëve dhe gjyqtarëve janë përpjekje e dështuar e saj për të goditur Kushtetutën ku garantohet e drejta e zgjedhjeve të lira dhe të barabarta si e vetmja mundësi për të bërë rrotacionin e duhur politik nga populli dhe ka marrë përgjigjen e duhur nga Venecia. 

Të gjithë nuk veshin të njëjtën xhaketë. Ta rrëzojmë nismën e opozitës. Zoti Spaho, repliko deri në mëngjes se mes meje e teje ka një mal të madh dhe nuk jemi njëlloj dhe nuk ka për të qenë,” e bëri të qartë Ulsi misionin e tij, jo vetëm karshi kryetarit të Grupit Parlamentar që kërkonte replikë me shkatërruesin e Reformës në Drejtësi, Ulsi Manja:

Edmond Spaho: Ju vidhni, unë në këmbim mund të përdor dhe fjalë pa etik, besoj se më lejohet. Unë jam jetëgjatë në politikë sepse as vjedh dhe as mbaj lidhje familjare me kriminelë e banditë sikurse i mban ti Ulsi e plot kolegë të tjerë, jo të gjithë. Ka burra të ndershëm dhe këtu. Kam mbajtur pothuajse të gjitha postet në administratë, qeveri e kuvend. Po të kesh qoftë dhe një fakt për abuzim dhe pushtetin bujrum  iki pasi të paraqitësh fakte. Unë thashë interpceptime jo prezentë fizike, telefon. Ulsi! Më kupton. Me banditët e kishte Damiani, ai bën këtë. Tani të më falësh që do përdor një fjalë jo etike po: Po më shpjegove ti Ulsi si i trefishove votat pasi tu këput zinxhiri i brekëve unë i tërheq.

Skllavi i krimit…

Në debatin rreth Vettingut në Politikë asnjëri prej deputetëve socialistë nuk foli me terma juridik dhe duke ju referuar opinionit të Komisionit të Venecias i cili I jepte të drejtë qëllimit të nismës së Partisë Demokratike.

Që të gjithë, madje edhe që ishin pjesë e sitemit gjyqësor për shumë vjet, artikulimin e kishin shumë më të ulët se bashkpartiakët e partisë mëmë, PPSH,

Ish-presidenti Sali Berisha duke reaguar ndaj nivelit të këtij debati që sjellin këta lloj deputetësh kriminal të PS-së, tha se disa janë shtylla të krimit dhe disa janë skllav të krimit.

Berisha: Ulsi, fjalimin ta ka përgatitur Ymer Lala. Pse ta ka përgatitur fjalën Ymeri? Sepse ta kapi për zverrku dhe të nxori nga gara në Dibër. Edhe ato interpretimi që janë për ty janë interpretimet e skllavit. Sepse jo të gjithë jeni shtylla e krimit, ka edhe skllavë të krimit.

Ulsi, gjithçka the ti ishte mashtrim me Venecian, sepse është e shkruar e zezë mbi të bardhë, vetingu është legjitim.

Ndaj secili prej jush….Gjylameti edhe ti je ndrikull, mos do të na lexosh fjalimin e Klodiana Shullazit.

Ju jeni ose shtylla të krimit ose skllevë të krimit.

Deputetja e PS, Blerina Gjylameti replikoi me ish-kryeministrin Sali Berisha, pasi ky i fundit e quajti “ndrikull”. Ajo tha se Berisha është fatkeqësia e këtij vendi dhe në çdo fjalë që thotë e shfaq frikën nga reforma në drejtësi.

Gjylameti: Që normalisht do të duhej që në moshën që keni zoti Berisha së paku duhet të kishit reflektuar për çfarë fatkeqësie keni qenë për këtë vend, do tju bënte sot nder jo juve, por të gjithë kolegëve të opozitës. Në anën tjetër unë nuk kam asnjë merak për familjarët e mi.

Duke nisur që nga ai që është bashkëshorti im, ku disa nga zonjat që ke përkrah mohojnë bashkëshortët, as për ndonjë merak për fëmijën tim nesër. Si kundër do kesh merak, jo vetëm ju Berisha, por edhe të tjerë për fëmijët e tyre, më pak kam merak për ndonjë kunat që ta mohoj atë, më pak kam merak për atë që ke vendosur kryetar. Frika që ke sot të duket në cdo moment kur flet, në cdo fjalë që flet nga goja, një gojë e ligë që e ka mbytur këtë vend, që nga fjalët më të ndyra, tek mallkimet më të mëdha. 

Je fatkeqësia e këtij vendi dhe do të doja që sot të reflektojë dhe të tregojë që vërtet kam bërë gjëra në këtë vend, por sot reflektoj dhe them kam bërë gabim. Sot e kuptoj frikën tuaj, sepse sot po jetësohet një reformë në drejtësi që do të bëjë që as ty as Lulzim dhe as ndonjë koleg tjetër që është i lidhur me krimin, dhe jo vetëm, por edhe me sekuestrimin e pasurisë që ke vendosur ndër vite.

Foli edhe ministri më pa lidhje…

Për njërin ndër politikanët më të papërgjegjshëm socialist si kryeministër, si ministër i mbrojtjes e edhe si ministër i diasporës, Pandeli Majko, asgjë nuk ndryshon. Ajo që propozon PD ai nuk e voton sikur të bëhet edhe fundi I botës. Kështu ndodhi edhe sot ndonëse kemi të bëjmë me një njeri që I ka kryer dy ditë shkollë, ai Vettingun në politikë e quan qesharake dhe komike, dhe fletë për ata që protesojnë vetëm pse qeveria ku ai bënë pjesë e ka degraduar arsimin:

 “Lëvizja studentore është një paralajmërim serioz për politikën që filloi me lëvizjen studentore, është rritur numri i njerëzve që nuk dinë ti shpjegojnë dallimet mes nesh. Dje u hodhën vezë në emër të studentëve, me shumë dinjitet kanë qenë studentët që janë distancuar nga cdo akt dhune, cdo gjë që ka një fillim e ka një fund, nëse kjo lëvizje po na kujton këtë kjo kërkon reflektim dhe jo bërjen e trimit në Kuvend. Vettingu i politikës është vazhdim i kapitullit depersonalizues dhe fyes, politikani duhet të provojë se nuk është i lidhur me krimin, mbi bazën e kësaj logjike shpëton vetëm ai që sjell prova,”  tha Majko duke e qujatur këtë si proces ironik që merret me shitjen e asgjësë.

“Pas 5 vitesh në opozitë shqetësimi i të djathtës nuk duhet të ishte pastërtia e politikanëve, por të menaxhonte masën e të pakënaqurve dhe të diskutonte fitoren e zgjedhjeve. Vetingu është qesharak, pafajësia e cdo individi jepet vetëm nga gjykata nga askush tjetër, imagjinoni se gjendet politikan fajtor, ca ndodh, ikën në burg, ca bëjnë komisionerët apo i dërgojnë për riedukim, ky nuk është pastrim por turpërim publik i saj,” tha Pandeli Majko duke shtuar se ky proces rrezikon të kthehet në teatër të radhës.

“Nëse dikush do të ndërrojë elitën, kjo është mënyra e gabuar, revolta e studentëve janë sinjali se si sillemi me njërin tjetrin rrezikon të shënojë fundin e një periudhe politike. Unë për asgjënë nuk votoj, ejani të merremi me studentët dhe kërkeat e tyre, nuk janë kundërshtarët tanë, janë shpëtimi ynë, mesazhin e tyre e majta e ka marrë dhe po reflketon kurse partia që u krijua nga studentët sot nuk flet gjuhën e tyre.”

Debati dhe replikat vazhduan pa nivel…