VIDEO/ 1 i vdekur dhe 4 të plagosur, mediat belge akuzojnë shqiptarët

Një i vdekur dhe 4 të plagosur është bilanci i një sherri të ndodhur në Ans (Liège, Belgjikë) gjatë natës së të hënës, raportojnë mediat vendase. Sipas tyre, protagonistë në sherr janë shqiptarët, megjithëse nuk bëhet i ditur identiteti i viktimës dhe të plagosurve.

“Personat e përfshirë në sherr kanë përdorur shufra hekuri, shkopinj bejsbolli dhe thika”, citohet zyra e prokurorit të Liège.

Viktima është një grua 42-vjeç, e cila humbi jetën si pasojë e dëmtimeve të shumta që mori, njoftoi prokuroria.

Raportohet se gruaja, pjesë e një prej bandave rivale, ndëryri për të ndihmuar një mikun e saj të plagosur, por një makinë e përplasi.