VIDEO +18/ Shoferi i taksisë përplas tifozët në Moskë…

Një veturë që dyshohet se ishte taksi, është futur në mesin e një turme njerëzish në qendër të Moskës, duke lënduar 8 tifozë.

Agjencia e lajmeve Interfac citon një burim duke theksuar se shoferi ka qenë i dehur.

“Tetë veta kanë kërkuar ndihmë”, ka bërë të ditur policia, raporton Reuters.

Një dëshmitar bëri të ditur se shumica e tifozëve kanë qenë të Meksikës.

Autoritetet ruse disa herë janë zotuar se kanë marrë masa të ashpra sigurie për këtë Botëror.

Ndërkohë janë publikuar edhe pamjet nga një kamerë sigurie, ku shihet shoferi nga Kirgistani, që përplasi tifozët e Meksikës. Shoferi bëri një manovër duke u futur me taksinë e tij në një vend ku po kalonin shumë këmbësorë.

Ai kaloi dhe i mori me vete tifozët, dhe menjëherë doli nga makina me qëllimin për t’u arratisur. Të shumtë ishin të pranishmit në vendngjarje që u përpoqën ta ndalojnë, por pak çaste më pas ishte policia që e vuri nën pranga.