Video/ 716 miliardë $ për ushtrinë, Trump: Do të jemi aq të fuqishëm, sa nuk do të kemi nevojë ta përdorim këtë armatim…

Presidenti i SHBA, Donald Trump ka firmosur Ligjin për shpenzimet vjetore të mbrojtjes me vlerë prej 716 miliardë dollarë, i cili parashikon modernizimin dhe forcimin e forcave të armatosura amerikane.

Presidenti Trump këtë ligj e firmosi në një ceremoni në bazën ushtarake Fort Drum, 400 kilometra në veriperëndim të New Yorkurt, nën mbikqyrjene mijëra ushtarëve amerikanë.

“Teknologjia më vdekjeprurëse e zhvilluar ndonjëherë”

“Ky ligj është shumë i rëndësishëm për investimet në ushtrinë tonë, në ushtarët tanë, në historinë moderne,” tha Presidenti Trump duke shtuar:

“Fal këtij ligji do të zëvendësojmë tanket e vjetra, avionët dhe anijet me teknologjinë më moderne dhe  më vdekjeprurëse e cila është zhvilluar ndonjëherë,” tha presidenti amerikan.

“Shpresojmë se do të jemi aq të fuqishëm që këtë armatim sa nuk do  të kemi nevojë ta përdorim, askush nuk do të ketë kurrfarë shanse,” tha Presidenti amerikan Trump

“Forcat hapsinore amerikane”

Duke folur për dominimin amerikan në hapësirë Presidenti Trump tha se hapësira është bërë “fushë për luftë ashtu si edhe ajri, toka dhe deti”. Me këtë rast ai theksoi edhe planin e tij për “themelimin e shtyllës së gjashtë të ushtrisë amerikane të quajtur Forcat Hapësinore Amerikane”.

Me ligjin e ri mundësohet furnizimi me 77 avionët më modern F-35, avion mbajtëse të reja dhe mjete të ndryshme lundrimi, si dhe modernizimin e arsenalit bërthamor, paralajmëroi Shtëpia e Bardhë.

Gjithashtu parashikohet rritja e pagave për të punësuarit në forcat e armatosura amerikane në vlerën 2.6 për qind, që është edhe rritja më e madhe e pagave në nëntë vitet e fundit.

Ligji mbulon shpenzimet për vitin fiskal 2019, I cili fillon më 1 Tetor.