Video. Aksioni në Veri/ Dhjetëra të arrestuar, bossët e krimit i shpëtojnë prangave
Operacioni policor sot në Veri të Kosovës ka përfunudar me 19 të arrestuar të kombësive të ndryshme si shqiptarë, serbë, boshnjakë dhe rus ndërkohë dy shokët e Millan Radojçiçit iu shmangën arrestimit.
Një prej tyre është Komandanti i Njësisë Patrolluese Kufitare në Veri, Rade Radosavleviç, por që ka ikur në momentin kur filluan arrestimet. Togeri Rade Radosavleviç njihet si njëri nga bashkëpunëtorët më të afërt të Millan Radojçiçit, i dyshuar për aktivitete ktiminale në Veri.
Poashtu, arrestimit i është shmangur edhe zyrtari i lartë policorë në Veri, Millan Jovanoviç, i cili gjithashtu ishte i dyshuar për aktivitete të lidhura me krim e korrupsion.
Kryeshefja e Inspektoratit Policor të Kosovës, Miradije Kelmendi, në konferencën për media, ka bërë të ditur se nga 19 zyrtarët policor të arrestuar, 11 janë të nacionalitetit serbë, 4 shqiptarë dhe 4 boshnjakë.
“Janë bastisur 12 lokacione. Janë arrestuar 19 punonjës policor, prej tyre 11 të nacionalitetit serbë, 4 shqiptarë dhe 4 boshnjakë. Njëri ka qenë kapiten, tre rreshter dhe të tjerët policë. Nga këto bastisje janë konfiskuar armë, pajisje teknologjike dhe një sasi parsh. Zyrtarët janë ndaluar për 48 orë dhe të njëjtit janë suspenduar nga detyra”, tha ajo në konferencën e përbashkët për media me Policinë e Kosovës dhe me Prokurorinë .
Serbët dhe rusët e pabindur
Disa serbë të lënduar nga përplasje me Policinë e Kosovës kanë kryer trajtimet e nevojshme mjekësore në një nga spitalet e Mitrovicës. Të prangosur dhe nën përcjelljen e policisë, serbët e arrestuar janë dërguar në paraburgim.
Në mesin e tyre ishte edhe shtetasi rus, Mikhail Krasnoshchenkov i cili ka pësuar pasi ka tentuar të pengojë aksionin e sotëm të Policisë së Kosovës në Veri, me ç’rast edhe është arrestua.
Pas arrestimit ka reaguar Ambasadori rus në Beograd, dhe më pas edhe Misioni i Kombeve të Bashkuara në Kosovë, UNMIK-u duke kërkuar lirimin e dy punëtorëve të vet të cilat janë ndaluar sot gjatë aksionit të zhvilluar nga Njësia Speciale e Policisë së Kosovës në veri duke pretenduar se janë pjesë e stafit të tyre.
“Jemi të revoltuar nga provokimet e autoriteteve të Prishtinës në raport me qytetarin rus, që është pjesë e UNMIK-ut, Mikhail Krasnoshchenkov. Kërkojmë lirimin e menjëhershëm të rusëve dhe një referencë të përgjegjësisë të të gjithë atyre që janë fajtor për këtë”, tha Ambasadori rus në Beograd, Alexander Chepurin.
Ndërkohë Njësia Speciale e Policisë së Kosovës ka arrestuar edhe katër zyrtarë shqiptarë të Doganës nën dyshimin për vepra penale. Bëhet fjalë për dy shtetas kosovarë dhe dy të tjerë nga Shqipëria.
“Hekuran Dana, Besart Malaj, Ahmet Zeneli si dhe Driton Hasimja”, janë doganierët e arrestuar nga forcat e sigurisë. Mësohet se të dyshuarit për një vit rreth ishin bashkëpunëtor me kontrabandues të mallrave. Poashtu, të njëjtit ngarkohen edhe me veprën për fshehje të informacionit.
