VIDEO/ Anglia eleminon Kolumbinë me penallti, thyen mallkimin…

Anglia kualifikohet në 1/8 e Kupës së Botës, ku do të takohet me Suedinë ditën e shtunë (me 7 korrik, në orën 16.00).

Anglia shënoi fitoren me penallti me rezultatin 4:3 ndaj Kolumbisë, në ndeshjen e të tetës së finales së Kampionatit Botëror.

Ndeshja në kohën e rregullt përfundoi 1:1, por as shtesat dy herë nga 15 minuta nuk sollën ndryshim rezultati, kësisoj anglezët ishin më të suksesseshëm me penallti.

Kur pritej se Anglia do të triumfonte lehtësisht, ndodhi e papritura në fund të takimit dhe kolumbianët barazuan rezultatin, duke e dërguar takimin në shtesë dhe më pas tek penalltitë.

Pjesa e parë e takimit nuk solli gola, por periudha e dytë e lojës ka qenë më ndryshe dhe me dy gola.

Në minutën e 57-të, gjyqtari amerikan Geiger referoi penallti për Anglinë. Harry Kane ka qenë i pagabueshëm nga pika e bardhë dhe kaloi në epërsi (1:0) anglezët. Ky ishte goli i gjashtë i Kanes dhe kryeson listën e golashënuesve në Kampionatin Botëror. Kur u mendua se Kolumbia nuk ka shpresa, vjen goli i barazimit në sajë të një pakujdesie të mbrojtjes angleze.

Brenda 16-shit, Yerry Mina me mjeshtri ka gjuajtur dhe ka shtangur anglezët, 1:1.

Shtesat dy herë nga 15 minuta sollën presion të madh qoftë të anglezët e qoftë të kolumbianët. Në minutën e 114-të, Dier pati mundësi të shënojë për Anglinë, por gjuajtja e tij shkoi jashtë portës, fat i madh për Kolumbinë.

Anglia me penallti triumfoi 4:3. Nga penalltitë për Kolumbinë shënuan: Falcao, Cuadrado, Muriel. Dështuan: Uribe e Bacca.

Për Anglinë shënuan: Kane, Rashford, Trippier e Dieri. Dështoi: Henderson.

Në çerekfinale do të takohen: Me 6 korrik Uruguai-Franca (16.00), Brazili-Belgjika (20.00), ndërsa me 7 korrik Suedia-Anglia (16.00), Rusia-Kroacia (20.00)

Kolumbia-Anglia 3:4 me penallti -1:1

Stadiumi “Otkrytiye Arena”, Moskë.

Gjyqtar: M. Geiger (SHBA).

Shënues: Mina (90+3′) – Kane (57′-nga penalltia).

Kartonat e verdhë: Barrios, Arias, Sanchez, Falcao, Bacca, Cuadrado – Henderson, LIngard.

Kolumbia: Ospina, Arias (Zapata 116′), Mina, Sanchez, Mojica, Barrios, Sanchez (Uribe 79′), Lerma (Bacca 61′), Cuadrado, Quintero (Muriel 88′) dhe Falcao.

Anglia: Pickford, Walker (Rashford 113′), Stones, Maguire, Trippier, Alli (Dier 81′), Henderson, Lingard, Young (Rose 102′), Sterling (Vardy 88′) dhe Kane.