Video/ Artisti për “Artistët”, Edi Rama shembë Teatrin Kombëtar dhe organizon Festival Mbarëkombëtar të Teatrit

Artisti dhe pedagogu i artistëve, Edi Rama, pasi kopsiti ligjërisht shembjen e Teatrit Kombëtar dhe filloi numërimi i jetësimit të këtij Ligji, del para miletit në këtë fundjavë për ti treguar sa dashamir i teatrit që është dhe sa pak dashamirë janë ata që e kundërshtojnë. Dhe jo vetëm kaq!

Nga 23-29 shtator, e shpallë kryeministri, lajmin për mbajtjen e Festivalit Mbarëkombëtar të Teatrit me një videoklip të ndihmuar nga “artistët” që do ta kishte zili edhe diktatori Enver Hoxha:

“Me këtë ftesë për dashamirët e teatrit, të cilëve me shumë kënaqësi u ofrojmë më në fund një festival mbarëkombëtar në një skenë të re dinjitoze për aktorë të njohur e të rinj, ju uroj një fundjavë të mbarë!”

Të lumtur duhet të jenë të gjithë besimtarët muslimanë dhe të krishterë që në kohën e paraardhësit të tij, Enver Hoxha, nuk kishte një mendje kaq të sëmurë kur ai shembi kisha dhe xhamia, sepse pas asaj shembje makabre, Edi Rama do t’ju dërgonte ftesë për Bajram, Pashkë e Sulltan Nevruz.

Postimi i plotë:

MIRËMËNGJES

dhe me këtë ftesë për dashamirët e teatrit, të cilëve me shumë kënaqësi u ofrojmë më në fund një festival mbarëkombëtar në një skenë të re dinjitoze për aktorë të njohur e të rinj, ju uroj një fundjavë të mbarë