Video/ Baçi: Demokracia e oligarkëve nuk është sistemi që ne duam tu lëmë trashëgimi fëmijëve tanë!
Deputeti i Partisë Demokratike, Luan Baçi tha sot se kjo seancë i vën në përgjegjësi historike të gjithëve por miratimi i Ligjit me të cilin do të bëjnë shembjen e teatrit tregon se qeveria nuk pyet për shtetin ligjor
“Ju me miratimin e ligjit që doni ti bëni shembjes së teatrit, tregoni se nuk pyesni për shtetin ligjor, për ligjet, për pavarësinë e pushtetit lokal. Jo pa qëllim nxitoni të miratoni sa më shpejtë, dhe jo pa qëllim e shpërfytyruat reformën në drejtësi duke e lënë vendin pa Gjykatë Kushtetuse, duke mos i lënë asnjë mundësi, opozitës, artisëtve, qytetarëve të ndalojnë këtë proces që ju keni marrë. Jo pa qëllim bëni ligj të veçantë, e kaloni në parlament që askush të mos mbajë përgjegjësi ligjore nesër,” tha deputeti i PD duke shtuar se ky është një rrezik dhe një kanosje e madhe që i bëhet Shqipërisë demokratike, që sot është anëtare e NATO-s dhe e lirë nga vizat Shengen.
“Demokracia e oligarkëve nuk është sistemi që ne duam tu lëmë trashëgimi fëmijëve tanë. Sepse Shqipëria e Ilirëve një trashëgimi e vyer, që lidhet me Butrintin, Apolloninë, Gjirokastrën, Beratin, Shkodrën dhe Korçën si djep civilizimi në kulturë,” tha Luan Baçi sipas të cilit kullat i përkasin kulturës së boshllëkut, vakumit të cilësive të vlerave.
Miratimi i këtij Ligji, tha deputeti i Fierit, pavarësisht se trumbetohet për një teatër të ri me kushte bashkëkohore në të mirë të qytetarëve, është krejtë e kundërta.
“Përpjekjet tuaja duke manipuluar dhe dezinformuar opinionin publik se opozita është kundër çdo iniciative të qeverisë këtë radhë si dhe shumë raste të tjera po u kthehet në bumerang, pasi janë qytetarët ata që protestojnë çdo ditë, artistët, shkrimtarët dhe intelektualët më me zë të vendit tonë që po ju thonë ndaloni, mos e prishni teatrin dhe përsëri ju nuk reagoni, përsëri ju fajin ia lini opozitës,” tha deputeti i Partisë Demokratike, Luan Baçi.
