VIDEO/ Balla tha se do e padiste për shpifje, Vokshi e përshëndet me këngën për Enverin

Deputetja demokrate Albana Vokshi dhe Kreu i Grupit Parlamentar të PS-së, Taulant Balla, u përfshinë në replika në distancë ditën e sotme.

Pas një deklarate të Vokshit, e cila reagoi lidhur me kullat që do të ndërtohen në qendër të Tiranës, atje ku është sot godina e Teatrit Kombëtar, për të cilën tha se ndër të tjera do të pastrohen edhe paratë e pista.

Pas kësaj deklarate reagoi Balla që paralajmëroi që do të padiste deputeten Vokshi, ashtu siç kishte vepruar edhe me kreun e PD-së Lulzim Basha.

Por pas paralajmërimit të Ballës, ka reaguar sërisht Vokshi, e cila duke shmangur replikat ka preferuar që ta përshëndesë kreun e deputetëve të PS-së me një këngë që Balla e ka kënduar kur ka qenë fëmijë, kushtuar Enver Hoxhës.