VIDEO/ Basha: Gjermania e ka bërë të qartë, negociatat nuk hapen, Rama ka gënjyer

Shqipëria nuk i ka plotësuar kushtet për hapjen e negociatave, Edi Rama ka gënjyer.

Kështu u shpreh Kryetari i Partisë Demokratike, Lulzim Basha, në sallën e Kuvendit duke komentuar proçesin e hapjes së negociatave. Basha tha se të martën e javës së ardhshme do të bëhet publike rezoluta e Gjermanisë, CDU dhe CSU, mbi qëndrimin që do të mbahet ndaj Shqipërisë.

“Mbrëmë, vetëm pas takimit Merkel-Makron, kristiandemokratët dhe socialdemokratët gjermanë kanë marrë një qëndrim për hapjen apo jo të negociatave me Shqipërinë.

Ashtu si Edi Rama e di fare mirë, lajmi nga ky rakordim është më keqi që shqiptarët prisnin, por është verdikti gjerman është vendimi i mazhorancës gjermane.

Edi Rama ka gënjyer, nuk i ka bërë detyrat, Shqipëria nuk i ka plotësuar kushtet për hapjen e negociatave.

Në këtë rezolutë për herë të parë Shqipërisë nuk i vendosen vetëm kushte, por edhe një kontroll sepse Edi Rama ka gënjyer deri më sot”, tha Basha.