VIDEO/ Basha: Ja 4 emrat që penguan hapjen e negociatave, shqiptarët duhet të…

Kreu i Partisë Demokratike, Lulzim Basha, përmes një deklarate tha se Edi Rama, Fatmir Xhafaj dhe Saimir Tahiri janë bllokuesit e integrimit të Shqipërisë në BE.

“Të kemi parasysh se pa luftuar krimin e drogën, pa larguar politikën e korruptuar, Shqipërisë nuk do t’i hapen negociatat as vitin e ardhshëm, sa të kemi Saimir Tahirit, Fatmir Xhafën, kryetarin e grupit të parlament të PS-së, Taulant Ballën, garantues të parave të pista dhe Edi Ramën që sundon një perandori krimi dhe pastaj përdor paratë e drogës për të ndërtuar kulla.

Sa kohë në Shqipëri nuk ka drejtësi e gjykata funksionale, sa kohë Rama mbron të korruptuarit, nuk do të ketë hapje negociatash me Shqipërinë. Sa kohë nuk do të kemi Gjykatë Kushtetuese, e cila mbron të drejtat e njeriut, nuk mund të ketë hapje negociatash, këto duhet të dinë shqiptarët.

Ky është mësimi i 2016, i 2018 dhe nëse shqiptarët nuk e mësojnë do të jetë dhe mësimi i 2019. Pyetja është çfarë shqiptarët duhet të bëjnë?

Që të presin që Edi Rama të dorëzojë Saimir Tahirin, Fatmir Xhafën, të shembë Teatrin? Shikoni pak ku është Kinema Republika? Janë kulla. Edi Rama e ka bërë këtë rrugë sepse si kryetar bashkie merrte 20% dhe tani si kryeministër merr 50%.

Është skema e kullave, e stadiumit me kullë.

Që drejtësia të jetë e barabartë për të gjithë që asnjë të mos jetë mbi ligjin dhe askush të mos bëhet mbi ligjin dhe na duhet një vend që të ketë balancë kushtetuese.

Sa kohë të mos ndryshojë kjo Shqipërisë nuk i hapen negociatat.

Nëse ndodhin këto, atëherë ekziton mundësia që Parlamenti gjerman dhe ai holandez të hapin negociatat”, tha Basha.