VIDEO/ Basha thirrje qytetarëve: Mbështesni artistët në mbrojtje të Teatrit

Kreu i PD-së Lulzim Basha ju ka bërë thirrje qytetarëve shqiptarë që ti bashkohen protestës së artistëve kundër prishjes së Teatrit Kombëtar.

‘Partia Demokratike është kundër prishjes së Teatrit Kombëtar, Partia Demokratike do të qëndrojë fuqishëm në krah të artistëve dhe iu bën thirrje qytetarëve, artdashësve t’i bashkohen protestës së tyre legjitime’, shkruan Basha.

Edhe gjatë ditës së sotme artistët janë mbledhur para Teatrit Kombëtar, për të vijuar protestën e tyre.

Pjesë e kësaj proteste janë bërë edhe deputetët e LSI-së, Floida Kërpaçi dhe Endrit Brahimllari. Ndërkohë që kësaj proteste i janë bashkuar shumë qytetarë me profesione të ndryshme, të cilët kanë dalë në mbështetje të artistëve.