Video/ Belinda Balluku nën hetim nga SPAK, Edi Rama reagon nga Berlini

Një ditë pas lajmit se SPAK ka marrë nën hetim Zv/Kryeministren Belinda Balluku, Kryeministri Edi Rama reagoi nga Berlini duke thënë se drejtësia bën punën e saj.

“Nuk kam asnjë koment për asnjë rast sepse siç e kam thënë, ne kemi punën tonë, drejtësia ka punën e vet dhe deri kur çështje të caktuara marrin formën e tyre të prerë të gjithë njerëzit janë të pafajshëm dhe janë të padënueshëm nga gjykata popullore e politikës dhe mediave që i shërbejnë politikës,” tha Kryeministri Edi Rama gjatë një interviste për Deutsche Welle në Berlin, ku po merr pjesë në punimet e Global Dialogue.

Ndryshe, Deutsche Welle raporton se Zv/Kryeministrja Belinda Balluku dyshohet për shkelje të barazisë në tendera dhe është zëvëndëskryeministrja e dytë nën hetim nga struktura e posaçme antikorrupsion, pas Arben Ahmetajt, nën akuzë për korrupsion.