VIDEO/ Berisha: Me këto që bën Rama, negociatat nuk hapen as në 2020…

Ish-Kryeministri Sali Berisha akuzoi Kryeministrin Edi Rama se po flet dhe po sillet si Noriega. Berisha nga foltorja e Kuvendit tha se me këto që po bën Edi Rama as në vitin 2020 nuk do të happen negociatat, megjithë përpjekjet e jashtëzakonshme që ka bërë opozita.

“Edi Rama ka vënë Fatmir Xhafajn, Geronin, Habilajt dhe Tahirin mbi negociatat. Shkon në Holandë për të bërë lobbing, po çfarë mendoni ju se Arben Frroku nuk i ka treguar Holandës që u përcoll nga Edi Rama pasi ishte dënuar me burgim të përjetshëm? Çoi Fatmir Xhafajn të bëjë lobbing në Holandë, po a ka tallje më të madhe që të çosh një njeri që s´ka fytyrë dhe mbrojti Geronin”, tha Berisha.

Berisha theksoi se kjo është përqeshja më e madhe që është bërë ndodnjëherë.

Në vijim ai akuzoi Ramën se nuk flet më për reformën në drejtësi, pasi e ka kapur atë, duke u bërë kryeprokuror, kryegjykatës dhe asgjesoi Gjykatën Kushtetuese.

Sipas Berishës, Rama në televizionin më të madh francez tha se nuk i bëhet vonë se poi kin shqiptarët. “ Po a ka skandal më të madh se ky”, tha Berisha.