VIDEO/ Berisha zbulon marrëveshjen që çoi në dorëzimin e mandatit nga Tahiri: Ja kë takoi…
Ish-kryeministri Sali Berisha ka reaguar pak minuta pas konferencës për shtyp të ish-ministrit të Brendshëm, Sajmir Tahiri, i cili dorëzoi mandatin e deputetit.
Berisha tha se dorëzimi i mandatit të Tahirit është bërë pas një marrëveshje mes Edi Ramës dhe ish-ministrit të tij.
Sipas Berishës, dorëzimi i mandatit të Tahirit bëhet pas një takimi 3-sh që është bërë mes, Edi Ramës, Saimir Tahirit dhe Erion Veliajt.
“Ka përgjegjësi të madhe të politikës kriminale të kanalizimit të Shqipërisë. Edvin Kristaq Rama është arkitekti i zi i politikës së kanabizimit, kokainizmit dhe heroinizimit të Shqipërisë. Asgjë nuk sjell flakja e Saimir Tahirit jashtë parlamentit përderisa Rama qëndron dhe flet aktualisht në parlament.
Dorëzimi i mandatit të tij është dëshmi e forcës së krimit. Atë që s’e bëri dot parlamenti e bëri Saimir Trafiku. E imagjinoni ju që atë forcë që s’e kishte parlamenti.
Një takim sekret është bërë në një spital privat të Tiranës; takim tresh, i treti ishte Lal Plehu. E ka marrë vesh gjithë Shqipëria atë dhe në atë takim janë bërë premtime për kulla.
Kjo është një fitore e tërë qytetarëve shqiptarëve dhe e opozitës që mban flamurin e dekriminalizimit të parlamentit por asgjë nuk ndryshon nëse njeriu që po flet tani e mashtron e mashtron qytetarët dhe udhëton si faqja e zezë në Europë dhe i bojkotojnë darkat, që e bojkotojnë si të jetë njeriu i Kim Jong-un”, tha Berisha.
