VIDEO/ Brazili në çerekfinale, Meksika në shtëpi

Brazili është kualifikuar në çerekfinalen e Kampionatit Botëror, pasi gjunjëzoi me rezultatin 2:0 Meksikën. Pesë herë kampioni i botës me plotë meritë kualifikohet dhe në bazë të rasteve mund të fitonin edhe më bindshëm. Brazili luajti shumë më mirë dhe me golat e Neymarit e Firminos siguruan kualifikimin.

Në minutën e 5-të, Neymar nga rreth 20 metra, por reagoi mirë portieri meksikan, Ochoa. Brazilianët ishin jashtëzakonisht të mirë dhe sërish patën një rast ideal pikërisht në minutën e 25-të, kur Neymar përballë portierit Ochoa, nuk arriti të realizonte.

Pas një minute (26’), Gabriel Jesus goditi bukur, por mbrojtja meksikane evitoi golin. Në minutën e 33-të, sërish shpëtoi Meksika. Gabriel Jesus nga afërsia me gjuajtje të fortë, por Ochoa dëshmon vlerat e tij.

Në minutën e tretë (48’) të pjesës së dytë, Coutinho goditi fortë nga rreth 13-14 metra, por Ochoa edhe një herë u tregua i jashtëzakonshëm. Pas disa rasteve Brazili gjen golin përmes sulmuesit më të mirë Neymar, i cili nga afërsia, në zonën e pesëmetërshit, goditi saktë dhe 1:0. Në minutën e 59-të, Paulinho pati rast të mirë por Ochoa nuk lejon të mposhtet sërish.

Dy minuta pa përfunduar takimi (88’) Neymar me mjeshtri asistoi deri te zëvendësuesi Firmino dhe thelloi fitoren në 2:0. Brazili shkon më tej, kurse Meksika eliminohet nga gara më e madhe.

Brazili Meksika 2:0

Stadiumi “Cosmos Arena” në Samara.

Shikues: 42.000.

Gjyqtar: G. Rocchi (Italia).

Shënues: Neymar (51’), Firmino (88’).

Kartonat e verdhë: Luis, Casemiro – Alvarez, Herrera, Salcedo, Guardado.

Brazili: Alisson, Fagner, Silva, Miranda, Filipe Luis, Paulinho (Fenandinho 80’), Casemiro, Willian (Marquinhos 90+1’), Coutinho (Firmino 86’), Neymar dhe Gabriel Jesus.

Meksika: Ochoa, Alvarez (Dos Santos 55’), Ayala, Salcedo, Gallardo, Herrera, Marquez (Layun 46’), Guardado, Vela, Chicharito (Jimenez 60’) dhe Lozano.