Video/ Chicago, më ftohtë se në Antarktik!
Lumi Chigaco është ngrirë pothuajse i tëri, ndërsa qyteti është mbërthyer nga një periudhë ekstreme e ftohtë. Meteorologët parashikojnë që në Chicago temperatura mund të ulet deri në -33°C ndërsa për shkak të erërave të forta i ftohti do të arrijë deri në -45°C
Më i ftohtë se Antarktiku
Deri në fund të kësaj jave, në disa pjesë të SHBA temperatura pritet të arrijë deri në -50°C. Një fenomen i tillë, me temperatura kaq të ulëta, raporton BBC, ndodhë një herë në 30 vjet.
NAM temperature forecast for the next 60 hours showing the intense polar blast pushing into central and eastern North America. Animation: Climate Reanalyzer pic.twitter.com/4bKtXEXB8Z
— severe-weather.EU (@severeweatherEU) January 29, 2019
Gjendje e jashtëzakonshme është shpallur nga Wisconsin deri në Alabama, ndërsa në Iowa autoritetet kanë këshilluar qytetarët që të mos marrin frymë thellë nëse dalin nga shtëpitë dhe të mundohen të flasin sa më pak.
Enti Shtetëror për Meteorologji thekson se sikur vetëm 10 minuta të qëdroni në këtë të ftohë do të keni pasoja serioze.
Temperaturat më të ulëta sot priten në Chicago ku meteorologët parashikojnë se do të jetë më ftoftë se në Antarktik.
Në Illinois pritet që temperatura të shkoj deri në -27°C ndërsa për shkak të erërave të forta i ftohti do të arrijë deri në -50 °C.
Qindra shkolla janë mbyllur, shumica prej tyre në veriperëndim të SHBA. Përveç shkollave janë mbyllur edhe disa Agjenci qeveritare.
Policia ka bërë të ditë se krimi është në rritje nëpër rrugët e Chicagos, ku hajdutët nën kërcënimin e armëve po u vjedhin njerëzve xhupat dhe palltot.
