Video/ Çmendet Irani, sulmon dy baza amerikane në Irak. Reagon Presidenti Trump…
Paralajmërimet nga Teherani për hakmarrje pas vrasjes së terroristit Qassem Soleimani u jetësuan gjatë natës duke goditur bazat amerikan në Irak.
Sipas Pentagonit bëhet fjalë për më shumë se 12 predha tokë-tokë dhe nuk ka vitkima. CNN raporton se të paktën 10 raketa balistike kanë goditur bazën Al Asad, dhe të paktën dy raketa kanë goditur Erbilin. Ndërkohë ushtria irakene ka raporton se janë gjuajtur 22 raketa, 2 prej 17 raketave që ishin drejtuar nga Al Asad nuk janë aktivizuar.
Për momentin nuk raportohet për viktima. Për momentin nuk raportohet për viktima. SHBA, Gjermania, Danimarka, Norvegjia dhe Iraku raportojnë se asnjë prej ushtarëve të tyre nuk është vrarë ose plagosur por kjo nuk e pengon Televizionin shtetëror të Iranit rë raportoj për vrasjen e 80 shtetasve amerikanë ndonëse kemi të bëjmë me forcë shumkombëshe.
Presidenti amerikan, Donald Trump duke reaguar përmes rrjetit social Tëitter tha se gjithçka është mirë dhe se nuk ka viktima ndër amerikanë.
“Gjithçka është mirë! Raketat janë lëshuar nga Irani në dy baza ushtarake të vendosura në Irak. Vlerësimi i dëmeve po bëhet. Ne kemi ushtrinë më të fuqishme dhe të pajisur mirë kudo në botë! Do të bëj një deklaratë nesër në mëngjes,” tha Presidenti Trump pas sulmit.
Ndërsa Irani duke shpall fundin e aksionit përmes Ministrit të Jashtëm Javad Zarif shprehet se “Irani ka ndërmarr dhe ka përfunduar masat proporcionale ndaj bazave prej të cilave është kryer sulmi frikacak kundër zyrtarëve dhe shtetasve tanë. Nuk duam përshkallëzim të luftës, por do t ëmbrohemi kundër agresionit,” tha Zarif ashtu si edhe shteti I tij duke e bërët të qartë se bëhet fjalë për hakmarrje.
Në orët e mëngjesit përmes televizionit shtetëror të Iranit është mburrur edhe Ajatolah Ali Khamenei përmes një fjalimi pa kontroll duke theksuar se kur është fjala për konfliktin, një aksioni si ky nuk mjafton:
“Ajo që është e rëndësishme është që prezencës së Amerikës ti jepet fund,” tha Ajatolah Ali Khamenei edhe pse fliste për një prezencë ushtarake në një shtet tjetër ndërsa filloi vjelljen:
“Vendi ynë është i pajisur për luftë kundër keqbërësve botëror. Mbrëmë i kemi rrahur me shuplaka fytyrës,” tha Khamenei ndërsa masa i përgjigjej “Vdekje Amerikës” e ai duke vazhduar me torinë se vrasja e Qassem Soleimanit do të thotë se revolucioni është ende gjallë.
Drejtoria Federale e Aviacionit Civil Amerikan, FAA, pas këtij sulmi ka ndaluar fluturimin e avionëve civil mbi hapsirën ajrore të Irakut, Iranit, Gjirits Persik dhe atij të Omanit.
