VIDEO/ Dash Shehi: Në Itali njohin ministrin e Ekonomisë, në Shqipëri ministrat e Brendshëm…
Deputeti i opozitës, Dashamir Shehi, gjatë fjalës së tij në Komisionin e Ekonomisë, ka sjellë një rast absurd sesi Evropa e njeh dhe e sheh Shqipërinë në momentet kur po pritet hapja e negociatave. “Në Itali njohin ministrat e Ekonomisë, kurse në Shqipërinë me krim e korrupsion vetëm kryeministrin dhe ministrin e Brendshëm!
Sot kryefjala e tërë punëve është kjo: a do të vazhdojmë me këtë lloj situate?! Se mbrëmë ishte në arrest shtëpie Tahiri, i shihte ndeshjet nga kolltuku, tani do t’i shohë nga bastet që ka afër shtëpisë.
Do të vazhdojmë kështu sot?! Se mbrëmë kanë arrestuar – si e ka emrin ai dëshmitari atje, – se kjo është shumë e bukur, është komedi…Në asnjë vend nuk ndodh po ta mendoni: Atë që denoncoi, e arrestojnë pse kaloi në Kosovë! – i denoncuari nuk arrestohet kur kalon Italinë!!!
Dhe këtu mbyllet muhabeti!
Mos u merrni fare me komentet, merruni seriozisht me këtë punë. Mos e mendoni fare si e mendon partia jonë, mendoni njëhërë si e mendojnë partitë e tjera që na shohin nga Europa.
Ka bërë vaki në ndonjë shtet që ka shkuar të lypë tek dera e komshiut, të hyjmë në Europë me këto njerëz që ka, me këto Ministra të Brendshëm?! Për çfarë na akuzon Europa ne?! Për drogë, për korrupsion, se nuk na akuzon për varfërinë, sikur këta zotërinjtë të ishin Ministrat e Ekonomisë, siç debatohet sot në Itali. Jo mor! Në Shqipëri ato njohin dy vetë, Kryeministrin dhe Ministrin e Brendshëm!
Ministri i Brendshëm i Shqipërisë, rresht pas rreshti janë njerëz të kriminalizuar! U mbyll kjo punë! E kanë fajin këta, e kanë kalamajtë e këtyre, e kanë kunetërit, e kanë vëllezërit, kjo për ne s’ka fare rëndësi….absolutisht! Dhe s’duhet të ketë fare rëndësi dhe për ju. Për ne rëndësi duhet të ketë çfarë perceptimi ka Europa për ne që pretendojmë të shkojmë në Europë.
Vazhdoni të ankoheni se ju pengojmë ne! Katër vjetët e para ju pengonin borxhet e qeverisë së vjetër. Mbaruan, u shlyen, u lanë, ku di unë se ç’bëtë me to!
Dy vjetët e dyta ju pengoi sistemi i drejtësisë juve. Se s’ju linin prokurorët juve…Nuk mbillej misri në Lushnje, e ka fajin drejtësi! Përmbytet Shkodra, e ka fajin drejtësia! Nuk prodhohnë hidrocentralet, e ka fajin drejtësia! Keni gjetur justifikimin më absurd dhe kur vjen puna, edhe drejtësinë e keni sot në dorë! Tani keni filluar se e paska fajin jo drejtësia, po LSI-ja! Se kanë qënë ortakët tuaj dhe s’jua kanë shkuar punët mirë. Gjithnjë gjeni justifikeime, asnjëhërë nuk jeni justifikuar me punë!” theksoi Shehi.
