Video/ Disa deputetë austriak dolën nga parlamenti gjatë fjalës së Zelenskyyt
Ligjvënësit nga radhët e partisë proruse të ekstremit të djathtë, Partisë së Lirisë, FPO, dolën nga Dhoma e ulët e Parlamentit të Austrisë gjatë fjalës së presidentit ukrainas, Volodymyr Zelenskyy. Me këtë akt, thanë ata, protestojmë kundër shkeljes së neutralitetit të Austrisë.
Zelenskyy përmes një videomesazhi ka falënderuar Austrinë për ndihmën humanitare dhe ndihmën me projekte siç është ai i çminimit.
Austria për shkak të neutralitetit nuk është përfshirë më fuqishëm në konflikt, dhe përveç mbështetjes politike që jep, nuk mund të dërgoj armatim për ushtrinë ukrainase e cila po përballet me pushtimin rus, raporton Agjencia e lajmeve Reuters.
Die Abgeordneten der FPÖ verlassen bei den ersten Worten des ukrainischen Präsidenten Wolodymyr Selenskyj ihre Sitzplätze, stellen dort Schilder mit der Aufschrift „Platz für Frieden“ und „Platz für Neutralität“ auf. #OeNr pic.twitter.com/xgkzOtZig5
— Maximilian Werner (@MaxlWerner) March 30, 2023
“Trishtim, jemi partia e vetme që e merr seriozisht neturalitetin ushtarak”
FPO me ditë të tëra ka paralajmëruar se do të bëjë një lloj proteste kundër mesazhit të Zelenskyyt. Ata morën pjesë në fillim të fjalës së presidentit ukrainas, dhe më pas braktisën parlamentin.
“Trishtim se si FPO është partia e vetme e cila e merr seriozisht neutralitetin tonë të përhershëm, me të cilin angazhohet gjithashtu për paqe,” tha kryetari i FPO, Herbert Kickl.
Nga pesë parti sa ka parlamenti austriak, FPO është partia tretë me numrin më të madh të ulëseve në Dhomën e Ulët të Parlamentit. Aktualisht ka një epërsi në sondazhe ndaj socialdemokratëve opozitar dhe konservatorëve të kancelarit Karl Nehammer, që qeverisin në koalicion me Të Gjelbërit e majtë. Përbërja aktuale e parlamentit e ka mandatit deri në vjeshtën e vitit 2024.
