VIDEO/ Deputetët e PD shpalosin pankartën në Kuvend, Basha: Kushtetuta ka rënë…

Kryetari i PD-së, Lulzim Basha, tha nga salla e Kuvendit se Kushtetuta ka rënë, Kodi i Proccedurës Penale ka rënë dhe në ato të lëna bosh për faqe të zezë është ulur Fatmir Xhafaj. Basha e cilësoi një teatër kukullash atë që po ndodh në Kuvend.

Në vijim deputetët e PD kanë shpalosur në sallën e Kuvendit një pankartë ku shkruhej “Shqipëria si Europa, Jo qeveri e krimit dhe e drogës”, ndërsa ligjvënësit e opozitës kanë bllokuar foltoren e Parlamentit.

Kuvendi i Shqipërisë ka hapur seancën plenare në orën 10:00, sipas programit, por seanca ka nisur me protestën e Grupit parlamentar të LSI-së, që ka kërkuar të hiqet nga rendi i ditës Projektligji “Për një ndryshim në ligjin nr. 34/2017, “Për lirimin e frekuencave të dixhital-dividentit” dhe ai të kalojë sërish në komision për shqyrtim. Kërkesa u paraqit nga deputetja Kejdi Mehmetaj dhe u përforcua nga kreu i grupit Petrit Vasili.

Por, kryetari i seancës Gramoz Ruçi e hodhi në votim dhe propozimi nuk u pranua nga mazhoranca; pra, projektligji nuk u hoq nga rendi i ditës.