Video/ “Deri ku shkojnë ata që ju kanë qeverisur!” Çfarë halli ka Edi Rama?!

Kryeministri Edi Rama e nisi mëngjesin e sotëm me akuza pa fund kundër Sali Berishës dhe qeverisjes së tij edhe sot pas 8 vjet qeverisjeje kur ka nën kontroll tokën, ujin dhe ajrin shqiptar.

“Me ndjesën që kjo çorbë mund t’ju prishi krejt shijen e fillimit të fundjavës, por me bindjen se ia vlen ta shihni se deri ku shkojnë ata që ju kanë qeverisur e që duan t’ju qeverisin prapë, duke uruar sinqerisht që drejtësia e re, e cila sapo ka nisur të ndezë dritat e shpresës pas 100 vitesh terr në gropën e padrejtësisë, nuk do t’i lerë çorbaxhinjtë pa dhënë hesap, ju uroj një fundjavë të qetë,” thekson Edi Rama në reagimin e tij mëngjesor duke e shoqëruar me një video prej 32 minutave ku janë renditur akuza nga më të ndryshmet nga qeverisja e Berishës 2005-2013.

Sikur të gjitha akuzat të qëndrojnë, çfarë bëri Edi Rama dhe kriminelët e tij që qeverisin për 8 vjet?! Asnjë drejtues “demokrat” nuk është arrestuar, madje disa prej tyre janë graduar nga Edi Rama ndërkohë drejtësia për të cilën flet Kryetari i PS, pas vettingut rezultoi se ishte me shumicë të dakordësuar në duart e ish-regjimit.

Çfarë halli ka Edi Rama?!

Sot, në 30 vjetorin e rrëzimit të bustit të Enver Hoxhës, laboratori i Fugës ka mundësi jo 32 minuta por 320 orë të montoj akuza nga më të ndryshmet! Dhe, Edi Rama bënë sikur harron se gjatë këtij tranzicioni, PD ishte në pushtet vetëm 12 vjet!

Çfarë kanë bërë komunistët për 18 vjet ndoshta nuk i intereson Edi Ramës, por këto 18 vjet krimi e vjedhjeje të pasurisë kombëtare dhe jo vetëm, janë pasqyra e sondazheve të brendshme që e shqetësojnë Kryeministrit Rama, i cili sot më shumë se kurrë, për përmirësimin e imazhit të kësaj partie kriminale duhet ti lë një amanet pasardhësit:

Punë jo Propagandë!