Video/ Dëshmi të akteve Rama –Doshi, PD: Bandat e pushtetit vodhën zgjedhjet!

Çdo ditë do dalin në pah fakte, prova dhe dëshmi për masakrën zgjedhore, premtoi sot Partia Demokratike përmes Ish-Ministrit të Drejtësisë, Enkelejdj Alibeaj, duke akuzuar kryeministrin Edi Rama dhe kryetarin e PSD, Tom Dhoshi.

Sot PD sjellë pamje pas vrasjes së bujshme në prag të zgjedhjeve kur prokurori thotë se nuk kishte asnjë provë në makinat e bandave të Elbasanit ndërsa në seancën gjyqësore deklaron të kundërtën.

“Ai thotë se policia gjeti para dhe karta identiteti në makinë. Ja si po mbrohet masakra elektorale Rama-Doshi. Kjo që shihni këtu është vetëm maja e ajsbergut. Të gjithë shqiptarët janë të vetëdijshëm se se si kanë vepruar Rama-Doshi dhe bandit e pushtetit për të vjedhur dhe blerë rezultatet e zgjedhjeve,” tha Enkelejd Alibeaj duke premtuar se të tjera fakte dhe të dhëna do të publikohen në ditët në vijim.

Deklaratë:

Te dashur qytetarë

Sot po luftojmë për demokracinë në vendin tonë.

Çdo ditë dalin në pah fakte, prova dhe dëshmi të akteve të Ramës –Doshit dhe bandave të pushtetit për të vjedhur zgjedhjet.

Në video që do të ndjekim tani, të gjithë do të shihni dhe dëgjoni se si prokurori para zgjedhjeve thotë se nuk kishte asnjë provë në makinat e bandave të Elbasanit.

Ndërsa pas zgjedhjeve, prokurori deklaron të kundërtën. Ai thotë se policia gjeti para dhe karta identiteti në makinë.
Ja si po mbrohet masakra elektorale Rama-Doshi. Kjo që shihni këtu është vetëm maja e ajsbergut.

Të gjithë shqiptarët janë të vetëdijshëm se se si kanë vepruar Rama-Doshi dhe bandit e pushtetit për të vjedhur dhe blerë rezultatet e zgjedhjeve. Të tjera fakte dhe të dhëna do të publikohen në ditët në vijim.

Një gjë është e sigurta. Ne do të luftojmë me gjithë fuqinë dhe besimin që qytetarët na dhanë në këto zgjedhje, në mënyrë që të rrëzojmë regjimin Rama-Doshi.