Video/ Dëshmi tronditëse: “Ata më përdhunonin, unë duhet të qeshja…”

Sot nën kujdesin e kryebashkiakut Ivan Penav, në Vukovar të Kroacisë u zhvillua një protestë kundër krimeve të luftës nga ushtarët dhe paramiltarët serbë që kanë mbetur të padënuara.

Në protestë morën pjesë dhjetëra mijëra vetë, ndërsa në tribunë u paraqitën disa nga protagonistë dhe viktimat e këtyre krimeve që rrëfyen tmerret e përjetuara nga ushtria kriminale serbe.

Rrëfimi më tronditës ishte ai i Snezhana Karaula Malak, që bëri të gjithë të tubuarit të shpërthejnë në lotë përkundër faktit që shumica prej tyre ishin pjesë e këtij tmerri:

“Më 14 tetor jam përdhunuar për herë të parë. Më ka përdhunuar njeriu i cili më tha, që nëse nuk e lejoj, do të sjellë edhe dhjetë të tjerë. Herën tjetër më detyruan të zgjedhë se me kë do të shkoj. Më detyruan të heshtë dhe të qesh sikur është normale. Ishte viti 1991, isha 22 vjeçe, kam tentuar disa herë të vetëvritem, ka shumë gra që kanë kaluar nëpër këto tmerre, por heshtin. U kheva në Vukovar, dhe sot i takoj këta njerëz,” rrëfeu me lotë në sy, Snezhana Karaula Malak këto çaste të tmerrit që përjetoi nga ushtarët dhe paramiltarët serbë gjatë okupimit serb ndërkohë që të gjithë të pranishmit nuk po e ndalonin dot vajin.