VIDEO/ Drejtësia në kolaps, Basha paraqet 7 piketat që duhen pranuar nga Rama: Kërkon garanci që…

Kreu demokrat Lulzim Basha ka paraqitur sot në një konferencë për mediat 7 çështjet për të cilat duhet të plotësohen për t’I dhënë zgjidhje krizës që ka përfshirë sistemin e drejtësisë. Basha theksoi se nga Partia Socialiste duhet të jepen garanci që nuk do të ketë hapa të tjerë që do të çojnë në bllokimin sërisht të reformës në drejtësi dhe kthimin e saj në një kolaps edhe më të thellë se ai ku ndodhet sot.

Sipas Bashës, qëllimi i mazhorancës me ligjin për Magjistraturën ka qënë kapja e magjistratëve të ardhshëm. Duke bërë një paralelizëm mes gjyqtarëve dhe prokurorëve që ndoqën atë që njihet si kursi i Plepave, Basha tha se sot Rama po tenton të bëjë të njëjtën gjë përmes ligjit të Magjistraturës, por me një ndryshim, nëse ata të parët u quajtën gjyqtarët dhe prokurorët e plepave, këto do të dytët do të quhen gjyqtarë dhe prokurorë të shelgjeve.

Në vijim, Basha theksoi se ata që me qëllim e kapën sistemin duhet të mbajnë përgjegjësi.

“Ky është hapi i parë që të rikthehet besimi. Çfarëdo procesi për të trajtuar këto 7 çështjet kryesore nuk duhet të sabotohet përsëri”, u shpreh Basha.

“Pararojë kursi partiak ku referohen kandidaturat sipas preferences të Ramës e këta të jenë gjyqtaret e prokuroret në 3 vitet e ardhshme, pra kapje afatgjatë.

Edhe nëse do i jepnim votat problemi që shtrohet para vendit dhe partnerëve qendron: A e ndryshon kjo faktin që s’kemi Gjykatë Kushtetuese që kemi një prokurori të emëruar me votat e mazhorancës? A e zgjidh faktin që 1 vit e 4 muaj pas skadimit të afatit kushtetues s’kemi as KLGJ e as KLP. Që 5 anëtarët e KLGJ e KLP përfaqësojnë një ngjyrë të PS se shorti ka rënë mbi një grup kandidatësh pasi janë përzgjedhur.

Po të kishim një reformë funksionale, Tahiri duhet të ishte në burg, hetimet duhet të ishin hapur me kohë për figura të PS të lidhura me krimin.

Rames nuk i interesojnë prokurorë e gjyqtarë të pavarur. Kjo është pengesa kryesore për reformën në drejtësi, të tjerat janë pallavra. Edhe qytetarët ta dine sot pozicionin tim, të PD pse jemi në këtë kolaps total kushtetues të reformës në drejtësi.

1. Zhbërjen e të gjitha ligjeve që janë miratuar në mënyrë të njëanshme për Reformën në Drejtësi.

2. zgjidhja e situatës së paligjshmërisë në organin e Prokurorisë, duke i dhënë fund kapjes politike të prokurorit të përgjithshëm.

3. Zgjidhja e situatës së paligjshmërisë në përzgjedhjen e anëtarëve të jashtëm të KLP dhe KLGJ duke futur në garë të gjithë kandidatët që ishin përjashtuar nga ONM.

4. Zgjidhja urgjente e ngërcit të krijuar në Gjykatën Kushtetuese. Sa kohë që vendi ska Gjykatë Kushtetuese vendi është në një situatë grushti shteti.

5. Zgjidhja e urgjente dhe gjetja e mekanizmit ligjor që të ngrihen sa më shpejt KLP dhe KLGJ në mënyrë që të fillojnë menjëherë funksionimin SPAK, Byroja e Hetimit, Gjykata Anti-korrupsion dhe Prokurori i Përgjithshëm

6. Ecuria normale sipas Kushtetutës dhe ligjeve i procesit të vettingut. Ndërprerja e mënjëhershme e ndërhyrjes së mazhorancës në proces. Sot për të njëjtën shkelje dikush mbahet në detyrë, e dikush shkarkohet nga detyra.

7. Komision koordinimi që e përcakton dhe kushtetuta që të jetë i balancuar dhe i paanshëm që të mbikëqyrë ngritjen e organeve të reja të sistemit të drejtësisë.