Video duke thithur kokainë, SPAK fillon hetimin për kreun e Bashkisë Bulqizë, Lefter Alla

Pas publikimit të videos, ku kryetari i Bashkisë Bulqizë, Lefter Alla, shfaqej duke konsumuar kokainë, sot Prokuroria e Posaçme Antikorrupsion dhe Krim i Organizuar, SPAK, ka nisur hetimet.

Mësohet se SPAK ka regjistruar procedimin penal ndaj Lefter Allës, ndonëse ky i fundit pas publikimit të videos duke konsumuar kokainë, dhe denoncimit nga Partia Demokratike se bëhet fjalë për kryetarin e Bashkisë Bulqizë e kishte mohuar duke akuzuar PD-në se kishte montuar videon për ta shtantazhuar.

Ndryshe, kryetari i Bashkisë Bulqizë, Lefter Alla, është kryebashkiaku i gjashtë që ka dalë nga zgjedhjet e 30 Qershorit me lidhjet të ngushta ose që vjen nga bota e krimit.

Dy prej tyre, Valdrin Pjetrit i Shkodrës dhe Agim Kajmaku i Vorës, janë larguar pas denoncimit të PD për të kaluarën kriminale, të cilin e kishin fshehur në formularin e Dekriminalizimit. Ndërsa Mark Babani i Malësisë së Madhe, Qerim Ismailaj i Bashkisë Mallakastër dhe Agron Malaj i Bashkisë Mat, presin horoskopin e Edi Ramës që të largohen.