Video/ E vërteta e 11 Marsit 1981 të Prishtinës në Tiranë

By Agim Popoci Last updated Mar 12, 2021 1 153

Me 11 mars 1981 kanë shpërthyer demonstratat në Kosovë. Do të flitet shumë kohë për kërkesën kryesore “Kosovën Republikë”, organizatorët dhe qëllimet e tyre, për arrestimet, keqtrajtimet dhe vrasjet e shumta, për ata që ishin për bashkim me Shqipërinë, reagimin e Tiranës zyrtare dhe trajtimin e çështjes kosovare, si dhe reagimin e Beogradit e ndërkombëtarëve.

Por, sot, publikimi i dokumenteve zyrtar që për kohën ishin Tepër Sekret, do të jetë një zhgënjim i madh si për ata që rrëfyen ashtu edhe për ata që e shijuan ëndrrën kosovare, për Kosovën shtet të pavarur ose bashkim me Shqipërinë.

E vërteta e 11 Marsit 1981

Ishte Nëntori i vitit 1977 kur Kadri Hazbiu, pas një bisede që zhvilloi me Enver Hoxhën dhe Hysni Kapon, hartoi një material ku përfshihen shqetësimet, kontradiktat e qëndrimet ndaj problemit të Kosovës, si dhe detyrat për konjukturën e shtetit shqiptar.

Ky dokument i cili iu dorëzua Mehmet Shehut, Ramiz Alisë dhe Nesti Nases, ishte një platformë e qartë, e cila sot kuptohet se u bë nul, por në asnjë nga dokumentet tjera të shtetit komunist shqiptar, nuk janë zbardhur në mënyrë kaq të detajuar si shqetësimet ashtu edhe zgjidhja e tyre. Gjuha e përdorur patriotike do të habisë shumë figura të njohura shqiptare në Kosovë dhe vet studiuesit shqiptar,si për faktin se është i vetmi dokument ku figuron se shteti shqiptar mbështet Kosovën për bashkim me Shqipërinë, parashikimet e tij pas vdekjes së Titos, ashtu edhe për autorin e këtij projekti, Kadri Hazbiun./Dokumenti 1/

Në Pikën 1. të kapitullit të I-rë, ndërsa evidenton problemin e Kosovës, Hazbiu thekson se Partia jonë gjithnjë e ka parë dhe trajtuar çështjen e shqiptarëve në Jugosllavi, të pandarë nga detyrat e saja. Atje, citohet në dokument, jetojnë 1.7 milionë shqiptarë, që vuajnë në robëri dhe luftojnë për lirinë e tyre, për bashkimin me atdheun e tyre, dhe:

“Ne i kemi mbështetur dhe I mbështesim me tërë forcën, brenda mundësive që lejon zhvillimi I situatave. Dhe kemi qenë e jemi për atë që ata të bashkohen me Shqipërinë, sepse së bashku bëjm një unitet kombëtar.”/Dokumenti 2/

Këtu është hera e parë dhe do të jetë e fundit ku një ide e tillë do të përmendet nga një zyrtar i lartë i shtetit shqiptar, ndërsa një qëndrim i tillë do të bëhet nul, vetëm tri ditë më pas kur ky dokument do të bie në duart e Enver Hoxhës.

Shqipëria mund të ishte e izoluar në vitin 1981, por Kadri Hazbiu në Shqipërinë e izoluar do të ketë parashikime shumë të sakta si për pretendimet e Rusisë dhe Shteteve ët Bashkuara në Jugosllavi,ashtu edhe për zhvillimin e ngjarjeve pas vdekjes së Titos, ku çështja e Kosovës trajtohet si e veçantë.

Mbi Kosovën llogarisin e punojnë forcat e jashtme, Shtetet e Bashkuara dhe BRSS, në kuadrin e planeve të tyre kush të ketë forcë dominuese në Jugosllavi, por llogarisin e punojnë shumë edhe korrentet e ndryshme të brendshme dhe aparati shtetëror titist./Dokumenti 3/

Nëse përjashtojmë idenë e Shqipërisë komuniste se të gjithë trajtoheshin si armiq, parashikimet e Kadri Haziut si për veprimin e dy superfuqive ashtu edhe korrenteve brenda Jugosllavisë do të rezultojnë shumë të sakta. /Dokukemnti 4/

Ndërkohë, për ti bërë sa më të efektshme ndikimet e vijës së Tiranës zyrtare tek shqiptarët e Kosovës e viset tjera shqiptare, Hazbiu propozon që të destinohen fonde si për transmetimin më të mirë televiziv, për libra e botime në masë të madhe për ti futur në Kosovë, për grupe kulturoro-sportive e deri te nevojat për Ministrinë e Punëve të Brendshme, ndërsa përfundon me masa në planin ushtarak,për të qenë më të gatshëm për veprim edhe për situata që mund të krijohen: njohja e terrenit, evidentimi i resureve shqiptare në çdo pjesë e tërësi,deri tek një plan operativ me disa variante. /Dokumenti.5/

Pas leximit të këtij dokumenti, Enver Hoxha sugjeron që gjendja në Kosovë të ndjeket me kujdes.

Të forcojmë punën tonë në rrugë legale dhe ilegale. Të njohim mirë forcat, korrentet në Kosovë. Këto informacione ti marrim nga jashtë, por sidomos nga brenda Kosovës./Dokumenti 6/

Enver Hoxha e ka të qartë se çështja e Kosovës është me rëndësi kapitale për lirinë e Shqipërisë; se Kosova është një forcë e madhe për mbrojtjen e Shqipërisë, një forcë që I shërben forcimit të Shqipërisë, në Ballkan dhe Evropë, ndërs thekson:

Çdo shpenzim për Kosovën nuk është diçka e humbur, për propagandë, për radio dhe televizion, për literaturë. Të merren masa shtetërore. Duhet të mendojmë shumë për Kosovën./Dokumenti 7/

Hoxha thekson më tej se forcimin e patriotizmit shqiptar në Kosovë, ta bëjnë vet kosovarët, e Shqipërinë e kanë pas.

Shqiptarët e Kosovës duhet të luftojnë, pra ata të përgatiten./Dokumenti 8./

Me këtë rast Enver Hoxha urdhëron që pranë Komitetit Qendror të krijohet një Grup për Kosovën i cili do të punoj me kosovarë, emigrantë dhe autoritete. Këto sugjerime ose më saktë urdhra, Komiteti Qendror do të kujdeset ti zbatoj ndërsa Sektori i propagandës për Botën e Jashtme do të punoj në hartimin e një platforme veprimi e cila vetëm për një vit do të jetë e gatshme, ashtu si edhe krijimi i Sektorit për Kosovën.

Në një dokument të sigluar Tepër Sekret shihet qartë se si Sektori i propagandës me Botën e Jashtme, përcaktoj detyrat për njerëzit që do të punojnë në Sektorin e Kosovës, e që do të jetë edhe truri i koordinimit të punëve në mes të Ministrisë së Jashtme, asaj të Brendshme dhe institucioneve tjera që lidhen me detyrën funksionale të këtij sektori./Dokumenti 9./

Nuk dihet nëse është koinçidencë, por ky Sektor do të kompletohet pas tri vitesh, ose një javë para shpërthimit të demonstratave në Kosovë, pra, më 4 Mars të vitit 1981./Dokumenti 10./

Me 11 mars 1981 demonstratat në Kosovë do të shpërthejnë. Dokumentet dhe dëshmitë e shumta që do të pasojnë pas demonstratave, do të merren seriozisht me çështjen e Kosovës përgjatë gjithë vitit 1981, duke përfshirë edhe raportin që Feçor Shehu i dërgon Kryeministrit të Shqipërisë, Mehmet Shehu, një ditë para vrasjes.

Tirana zyrtare do të mendoj për shqiptarët në Kosovë, por edhe për bashkimin me Shqipërinë, dhe do të jetë projekti i fundit i Kadri Hazbiut i vitit 1977 që do të flas për këtë çështje , sepse shqiptarëve të Kosovës menjëherë do tu bëhet e qartë: Tirana mbështetë vetëm Kosovën Republikë në kuadër të Jugosllavisë!!!

Dhe kjo nuk ishte rastësi, por pjesë e platformës e cila ishte hartuar më 1978, dhe Tirana zyrtare kishte një qëndrim të qartë zyrtar. Për këtë flet Kristaq Porodini ai i cili u bë pjesë e Sektorit të Propagandës me Botën e jashtme- Sektori për Kosovën, vetëm një javë para shpërthimit të demonstratave:

Kristaq Porodini, Sektori i propagandës me Botën e Jashtme-Kosovë

Pra, thelbi I Platformës ishte:

Kristaq Porodini,Sektori I propagandës me Botën e Jashtme-Kosovë

Më 11 Prill të vitit 1981Ministria e Punëve të Brendshme e informon Enver Hoxhën, pasi që një punëtor i Shërbimit sekret shqiptar kishte arritur të futet në Kosovë dhe të kontaktoj njerëzit atje, se si u organizuan këto demonstrata që në fillim të marsit dhe si u futën parrulla me shkrim për Shqipërinë, “Rroftë PPSH” dhe “Rroft shoku Enver”.

“Për këto demonstrata ishin parashikuar këto parulla: “Duam të drejtat tona” , “Trepça ti jepet Kosovës”, “Nikeli për Kosovën”, “Duam liri”, “Duam pavarësi”, “Kosova Republikë” etj. Parulla me shkrim për Shqipërinë nuk ka patur, por ato janë hedhur gjatë demonstratave./Dokukenti 11/

Kështu sqaron ky raport mbi ngjarjet e 11 Marsit në Kosovë, i sigluar si SEKRET e që i drejtohet Enver Hoxhës, ndërsa heq edhe dilemën se kush i organizoi ato, sepse në mesin e tyre ishte edhe një bashkëpunëtor i Shërbimit Sekret Shqiptar, pedagog nga Kosova në Universitetin e Prishtinës që mbanë pseudonimin e lidhjes, Irfani.

Thuhet se demonstratat janë përgatitur e organizuar nga pedagogë të universitetit të Prishtinës, një bërthamë studentësh e intelektualësh patriot kosovarë. Disa nga udhëheqësit janë: Bedrush Çollaku, Ali Aliu dhe një pedagog nga Prizreni me emrin Irfan 1) Shif lidhjen./Dokumenti 12/

Raporti më pas vazhdon me përshkrimin e demonstratave në vijim, pas 11 Marsit, gjendjen e rëndë në Kosovë ku policia vepronte në mënyrë barbare, ndërsa theksohet se ndër shumë vrasje është edhe shtypja e 3 fëmijëve me tankse, dhe përveç Irfanit si lidhje përmendet edhe mjeku me pseudonimin Zenel Kelmendi.

Në këtë situatë të krijuar kur të gjithë kosovarët i kishin drejtuar sytë nga Shqipëria, pyesim Porodinin nëse Tirana zyrtar kishte ndikim në organizimin e këtyre demonstratave:

Kristaq Porodini,Sektori i propagandës me Botën e Jashtme-Kosovë

Ku thekson strategjinë kombëtare 10 vjecare:

Kristaq Porodini,Sektori i propagandës me Botën e Jashtme-Kosovë

Dhe, është i prerë:

Kristaq Porodini,Sektori I propagandës me Botën e Jashtme-Kosovë

Ndërkohë edhe artikujt e botuar në Zërin e Popullit në Tiranë në përkrahje të demonstratave ishin një mbështetje legale dhe frymëzuese për popullin e Kosovës. Ekspertin shqiptar sqaron nëse ishte Sektori I Propagandës me botën e Jashtme – Sektori për Kosovën, autor i këtyre shkrimeve:

Kristaq Porodini,Sektori I propagandës me Botën e Jashtme-Kosovë

Edhe në ditët në vijim, Sekretari i Parë i Komitetit Qendror të PPSH, Enver vazhdon të informohet për çdo lëvizje në Kosovë, dhe në raportin e 18 Prillit përveç lëvizjeve ushtarake të forcave serbe përgjatë kufirit ai do të dijë se çfarë mendojnë edhe disa ambasadorë ku vlen të veçohet ai jugosllav, turk, egjiptian dhe bullgar./Dokumenti 13/

Për diplomatin jugosllav, Branko Komatina demonstratat janë organizuar nga persona shovinist dhe irredentist të shtyrë nga reaksioni i brendshëm dhe i jashtëm, veçanërisht nga Gjermania Perëndimore, dhe është I bindur:

“Shqipëria në këtë çështje nuk ka dorë, pasi marrdhëniet tona janë shumë të mira…”/Dokumenti 14/

Ndërsa Ambasadori i Turqisë, Metin Karaca, edhe pse në vitin 1981, flet thuase dje e ka bërë deklaratën:

“Ne jemi në dijeni për ngjarjet e ndodhura në Universitetin e Prishtinës. Pavarësisht se qeveria jugosllave u ka dhënë disa të drejta kosovarëve si gjuhën, traditat etj. Qeveria shqiptare ka plotësisht të drejtë të interesohet e të preokupohet për vëllezërit e saj në Kosovë.”/Dokumenti 15/

Supozimet e shumta mbi dorën ruse i vërteton edhe ambasadori egjiptian, Adel Ahmet Elmaraghy:

Unë mendoj se në krijimin e kësaj gjendjeje mund të jetë edhe dora e Bashkimit Sovjetik, I cili kërkon të krijoj konflikte për qeverinë e re jugosllave dhe gjithmonë është munduar të shfrytëzoj në interes të tij raste të kësaj natyre, bile këtë e quaj mundësi reale. Mundet që këtu të ken influencuar edhe bullgarët.”/Dokumenti 16/

Por klima ndryshon në ambasadën bullgare dhe atë e thotë diplomati bullgar, Zdravko Aleksandrov nuk ndryshon nga qëndrimi zyrtar bullgar I vitit 2008.

Serbët janë nacionalist, prandaj ka edhe gjakderdhje. Ata nuk duan që Kosova me 2.5 milionë banorë të bëhet republikë në vete, siç është bërë Maqedonia me popullsi të përafërt. Duhet të jemi objektiv se ashtu siç janë maqedonasit-bullgarë, edhe kosovarët janë shqiptarë, prandaj na dhemb zemra për vëllezërit tanë. Shqipëria dhe Bullgaria që janë në miqësi të përjetshme, nuk duhet të qnëdron spektatorë në rast të shpërthimit të një lufte në mes Bashkimit Sovjetik dhe Amerikës.” /Dokumenti 16 e 17/

Pra, ndërsa ngjarjet vazhdojnë nuk pushojnë edhe fjalët mbi inspiruesit dhe dekonspiruesit nga Shqipëria në Kosovë. Edhe vet Enver Hoxha në sugjerimet e tij drejtuar qeverisë theksonte se duhet forcuar puna në rrugë legale dhe ilegale; Se cilat ishin këto veprime dhe aktivitete ilegale, Porodini shprehet

Kristaq Porodini,Sektori I propagandës me Botën e Jashtme-Kosovë

Më 30 Prill, informacioni për ngjarjet në Kosovë është paksa më i detajuar, parullat tjera të përdorura si “Trepça prodhon, Serbia po ndërtohet”, “EHO-EHO” dhe shtohen emrat e organizatorëve si Ali Lajçi, Kadri Kryeziu, Riza Ademaj, Hamdi Hajdiu, Nuhi Nuhiu dhe Sami Peja./Dokumenti 18/

Veprimet e forcave serbe sqarohen në detaje, arrestimi i 2000 personave, 35 prej të cilëve veçohen ashtu si edhe 15 organizatorë të tjerë./Dokumenti 19/

Në situatën e krijuar, është folur shumë edhe për ndërhyrjen ushtarake të Shqipërisë, kur sot kjo konfimrohet edhe me dokumentin e sigluar Tepër Sekret me autor Kadri Hazbiun. Me këtë rast njeriu që deri në ditën e shpërbërjes punoi në Sektorin e Propogandës me Botën e Jashtme- Sektori për Kosovën sqaron nëse në vitin 1981 është flur edhe një ndërhyrje të këtij lloji nga ana e ushtrisë së Enver Hoxhës

Kristaq Porodini,Sektori I propagandës me Botën e Jashtme-Kosovë

Në bazë të raporteve pafund që po vinin nga Kosova, pas bashkëveprimit me institucionet e Shqipërisë, Sektori për Propagandë me Botën e Jashtme, më 21 Maj harton edhe një plan masash për të ruajtur praninë e ndikimit në Kosovë dhe viset tjera shqiptare në Jugosllavi, që gjithçka konsistonte vetëm në intensifikim të propagandës dhe në asnjë moment nuk flitej për mobilizim dhe ndërhyrje të mundshme ushtarake ndaj Jugosllavisë,siç flitej nën dhe me zë në Kosovë më 1981. Në këtë dokument të sigluar si Tepër Secret /Dokumenti 20/,në mënyrë të detajuar flitet për punën në fushën e propagandës përmes RTV Shqiptar dhe shtypit, në mënyrë që t’iu përgjigjen flakë për flakë, propagandës antishqiptare të Beogradit. /Dokumenti 21/.

Më tej dokumenti është kujdesur edhe për fushën e artit, botimet e shkencës, masat për njohjen e Kosovës dhe viseve tjera shqiptare nga populli në Shqipëri, dhe puna me kosovarët që ishin në emigracion./Dokumenti 21/

Dhe derisa pushteti jugosllav kishte intensifikuar dhunën ndaj shqiptarëve në Kosovë, Tirana zyrtare ishte në hallë me paraqitjen e dy rrymave në skenën kosovare, ku njëra ishte për bashkim me Shqipërinë ose “Lëvizja Nacional Çlirimtare e Kosovës” dhe “Fronti i kuq” popullor që angazhohej për për Kosovën Republikë.

Për këtë ishte i shqetësuar edhe vet Enver Hoxha i cili mbronte idenë e Kosovës Republikë si variantin e vetëm real ndërkohë pyesim Porodinin se sa ishte angazhuar Tirana zyrtare në bashkërendimin e qëndrimeve unike të shqiptarëve në Kosovë për një kërkesë realiste siç quhej “Kosova republikë”:
Kristaq Porodini,Sektori I propagandës me Botën e Jashtme-Kosovë

Për këto aktivitete flasin edhe dokumentat e kohës, si raporti I të Dërguarit të Enver Hoxhës, Porf.Dr.Buajr Hoxha në Turqi, i sigluar si Shumë Sekret, ku flitet për takimin me një nga udhëheqësit e Lëvizjes Nacional Çlirimtare, Sabri Novosellën i njohur me nofkën Xheladini, më 22 Qershor të vitit 1981. Me këtë rast i dërguari i Tiranës zyrtare e kishte të qartë se kjo lëvizje kishte si pikësynim luftën për bashkimin e Kosovës dhe viseve tjera shqiptare me Shqipërinë, dhe për shumë gjër ai informua edhe nga letra që Jusuf Gërvalla i njohur me nofkën Sokoli/Dokumenti 22./ i kishte dërguar nga Gjermania në Turqi ku dhe pritej të diskutohet për çështjen e bashkimit, ku ata përjashtojnë “Frontin e kuq popullor”.

Pas këtij takimi me Xheladinin, Prof.Bujari harton një raport të detajuar duke informuar Komitetin Qendror dhe Enver Hoxhën se udhëheqës ideori i kësaj lëvizje ishte Metush Krasniqi që ishte burgosur, Ramadan Pllana, Abdullah Prekadini dhe Ahmet Lleshi/Dokumenti 23./

Por si mendonte “Fronti i kuq” të arrijë statusin e “Kosovës Republikë” dhe cili ishte reagimi i Tiranës zyrtar. Në një dokument të sigluar Tepër Sekret, të 1 Gushtit të vitit 1981, flitet për një takim të zhvilluar në Ambasadën shqiptare në Paris, me Ibrahim Kelmendin nga “Fronti i kuq” i cili ishte shprehur se për arritjen e statusit të Kosovës Republikë, do të luftohet në dy drejtime: Demonstrata në qytete dhe luftë në male./Dokukmenti 24./

Por parulla “Kosova Republikë” sipas Kelmendit nuk ishte e plotë sepse “Fronti…” angazhohej për bashkimin e të gjitha viseve shqiptare në një republikë, e cila, shpejtë a vonë do të bashkohet me Shqipërinë./Dokumenti 25./

Pas analizave të shumta, me këto ide nuk ishte dakord Tirana zyrtare. Duke u bazuar në situatën e përgjithshme dhe sugjerimet e Enver Hoxhës, Tirana zyrtare ripërsëriti qëndrimin se nuk është për prishjen e Federatës Jugosllave, ka mbështetur dhe mbështetë kërkesën “Kosova Republikë”, por kundërshtojnë si demonstratat e reja ashtu edhe luftën guerile./Dokumenti 26./

E gjitha kjo ripërsëritej, ndërsa dokumenti në fjalë thekson edhe gjendjen ndërkombëtare dhe zhvillimin e saj, si dhe rreziqet që i kanosen Ballkanit e në veçanti Shqipërisë nga Bashkimi Sovjetik

Nuk duhet t’u jepen argumenta,as armë në dorë, as sovjetikëve dhe as aleatëve serbomdhenjë, që të veprojnë njëherësh kundër Kosovës dhe Shqipërisë./Dokumenti 27./

Ndërkohë shqiptarët e Kosovës do të vazhdojnë të organizohen në lëvizje të ndryshme, ndërsa Tirana zyrtare duke vendosur kontakte me ta. Lidhur me këtë Z.Porodini shprehet:

Kristaq Porodini, Sektori i propagandës me Botën e Jashtme-Kosovë

Dhe rezultati ishte:

Kristaq Porodini, Sektori i propagandës meBotëne Jashtme-Kosovë

Në këtë vepimtari disavjeçare:

Kristaq Porodini, Sektori i propagandës meBotëne Jashtme-Kosovë

Me këtë rast ai sqaron nëse gjatë këtyre kontakteve ose takimeve është lakuar ndonjëehrë synimi “Kosova shtet i pavarur”, siç dëgjojmë sot jo rrallë nga personazhet e ndryshme politike në Kosovë:

Kristaq Porodini, Sektori i propagandës me Botën e Jashtme-Kosovë

Dhe është 2 Shtatori i vitit 1981 kur Tirana zyrtare ka edhe prononcimet zyrtare të Milovan Gjilasit dhe Svetozar Vukmanoviç Tempos, nga një burim i shtetit shqiptar. Në këtë dokument, i sigluar si SEKRET /Dokumenti 29./, Gjilas ndërsa flet për shkaqet e këtij acarimi shqiptar thekson se disa besnik të Rankoviçit në UDB kanë vepruar në mënyrë të pavarur kundër demonstruesve, dhe nuk janë 11 të vrarë, por mbi 100. /Dokumenti 30./

Është 2 shtatori i vitit 1981 kur Gjilas i bën të qartë bashkëpunëtorit të sigurimit të shtetit shqiptar se cilat do të jenë detyrat e Veli Devës, dhe paralajmëron ardhjen e Azem Vllasit:

Detyrë e Veli Devës është që nëpërmjet vijës së ashpër të ulë kërkesat dhe tu jap rrugë gjërave. Kurt ë përfundoj kjo punë, në vend të Devës do të vijë Azem Vllasi si i moderuar. Azemi në fakt e kuptoi që në fillim se ç’karakter kishin demonstratat./Dokumenti 31/

Ndërsa Tempo si njohës i mirë i rrethanave si në Kosovë ashtu edhe Shqipëri, ishte i sigurt se nuk pati implikime të forcave të jashtme, edhe pse sipas tijë këtë situatë mund tat shfrytëzojnë KGB dhe CIA. Tempo me këtë rast e bënë të qartë se Presidenca e Jugosllavisë kishte të dhëna nga Shërbimi sekret Serb se situata ishte shpërthyese por nuk kishin marr masa. Tempo ashtu sikur se Gjilasi thekson se Veli Deva do të zëvendësohet me Azem Vllasin por me një saktësim, që ai do të kaloj në Federatë, ndërkohë është i prerë se Kosova nuk do të bëhet republikë.

“Kosova nuk do t’i jepet e drejta të bëhet republikë. Nëse asaj do ti jepet një status I tillë, atëherë do të shtohej presioni I Bullgarisë mbi Maqedoninë për tu bashkuar me Bullgarinë, gjë që do të çonte në shpërbërjen e federatës jugosllave”./Dokumenti 32/

Dokumentat e kohës nuk bëjnë të ditur se ky dokument, ose thelbi i tij i është transmetuar liderëve kosovarë, vetëm se bashkëpunëtori me emrin Nikolla Dimitrov Kosta, i lindur në SHBA më 1930, me kombësi shqiptare dhe origjinë nga Korça, si profesor historie në Hartford afër New Yorkut, gjatë karrierës së tij akademike ishte njohur me zyrtarë të lartë në Departamentin e Shtetit, ish-zbulues anglez, Tempon, Gjilasin dhe Zogun dhe fal kontakteve që vazhdon ti ketë, është hartuar edhe ky raport, që zyrtarisht i u drejtua Enver Hoxhës. /Dokuemnti 33/

Në këtë situatë komplekse, në drejtim të Tiranës zyrtare dhe vet Enver Hoxhës do të arrijnë raporte të pafund, madje Mehmet Shehu do të informohet për situatën në Kosovën, arrestimet e shumëta dhe tensionet në ditën e flamurit, edhe një ditë para vrasjes./Dokumenti 34/

Pra më 16 Dhjetor të vitit 1981 Ministria e Punëve të Brendshme e Shqipërisë, përmes një dokumenti të sigluar SEKRET, e sheh të arsyeshme ta informoj kryeministrin shqiptar për tentativë të organizimit të demonstratave, meqë kërkesë e Tiranës zyrtare ishte që të mos zhvillohen demonstrata sepse situata ishte jashtëzakonisht e tensionuar./Dokumenti 35/

Sot, 40 vjet pas demonstratave të vitit 1981 në Prishtinë, pas gjithë këtyre fakteve, kur gjithçka është e qartë përveç një dileme: Kush është organizatori i këtyre demonstratave meqë është e qartë se spontane nuk ishin: pra Shqipëria, SHBA ose edhe Rusia. Njeriu që punoi në Sektorin e Propagandës me Botën e Jashtme, pranë Sektorit për Kosovën, Kristaq Porodini në kohën më kritike dhe ishte deri në ditën e fundit të jetës së së këtij Sektori, ka një vlerësim të veçantë:

11 Mars 1981 Prishtinë