Video/ Fitore e madhe për FC Besa Biel

Skuadra shqiptare e futbollit,  FC Besa Biel  vazhdon me suksese në Zvicër.

Besa dje arriti fitore të madhe, duke mundur liderin Kirchberg, me rezultat 2:1.

Golat për skuadrën shqiptare i shënuan Arton Rafuna dhe Bujar Elezi, duke i dhuruar tri pikë shumë të rëndësishme.

FC Besa Biel  garon në Ligën e Dytë Regjionale të Kantonit Bernë/Jura, raporton albinfo.ch.

Tashmë FC Besa Biel dhe Kirchberg kanë grumbulluar nga 22 pikë pas dhjetë xhirosh, me shtatë fitore, një barazim dhe dy humbje.

Në xhiron e radhës, Besën e pret edhe një ndeshje shumë të rëndësishme, ku do të ndeshen me Courgenay, që ndodhet në vendin e tretë me vetëm një pikë më pak në tabelë. Kjo do të jetë ndeshja e fundit për këtë sezon dhe më pas skuadrat do të shkojnë në pushim deri në prill të vitit të ardhshëm.