Video/ FNSH, Shqiponjat dhe Ushtria, kontrolle për parandalimin e përhapjes së Koronavirusit

Duke filluar që dje nga orët e pasdites, forca policore speciale të FNSH-së, Patrullat e Përgjithshme dhe Forcat e Posaçme “Shqiponjat”, në bashkëpunim me patrulla ushtarake, kanë ngritur pika kontrolli me qëllim parandalimin e lëvizjes së personave që mund të jenë infektuar me koronavirus.

“Patrullat, të stacionuara apo të lëvizshme po vijojnë të kontrollojnë drejtuesit e mjeteve apo pasagjerët që ditët e fundit kanë udhëtuar në vendet e prekura gjerësisht nga Koronavirus,” bënë të ditur Policia e Shtetit duke saktësuar se janë ngritur 70 pika kontrolli në 8 qytetet kryesore dhe ato me risk të shtuar, për parandalimin e përhapjes së COVID-19.

Ndryshe, për qytetarët që rezultojnë se vijnë nga zonat e prekura me Koronavirus, Policia e Shtetit bënë të ditur se parashikohet të vetëkarantinohen deri në 14 ditë, në të kundërt Policia do t’i gjobisë.