Video/ Genova: Ura Morandi bie në autostradën A10, makinat dhe njerëzit nën rrënoja. Genova 24: Numri i viktimave mund të shkojë në 300!

Sot një tragjedi e rëndë ka goditur qytetin e Genovas në Itali.

Pak para mesditës, një pjesë e urës mbi lumin Polcevera, e njohur si ura Morandi, u rrëzua në autostradën A10 në Genova. Zjarrfikësit, ambulancat dhe oficerët e policisë janë në vendin e ngjarjes dhe raportohet për dhjetëra të vdekur.

Rreth njëzetë makina janë nën rrënoja dhe dyshohet se ka viktima. Mediat lokale flasin mbi dyshimet për të vdekur, Agjencia britanike e lajmeve Reuters thekson se nuk dihet nëse ka të vdekur edhe pse numri i të plagosurëve duhet të jetë i madh, ndërsa RT raporton për dhjetëra të vdekur.

Një dëshmitar për televizionin Sky Italia tha se ka parë “tetë ose nëntë” makina në urë në momentin kur ajo u shemb në “skenën apokaliptike”.

Agjencia italiane e lajmeve ANSA raporton se dy persona janë nxjerrë të gjallë nga rrënojat e urës dhe janë dërguar në spitalin San Martino por dyshohet se mund të jenë dhjetëra të vrarë, derisa mediat tjera raportojnë për të paktën 11 të vdekur.

Ndërsa Genova24 raporton duke ju referuar Mbrojtjes Civile se numri i viktimave mund të shkojë në 300! Aktualisht janë 20 viktima, por nuk saktësohet për të vdekur ose të plagosur.

Ura është nyja kryesore e qytetit dhe kalon mbi qendra biznesi, fabrika dhe shtëpi.

Toninelli: “Tragjedi e thellë”

“Unë po ndjek me shumë frikë se çfarë ka ndodhur në Genova dhe kjo është e tmerrshme, tragjedi e tmerrshme. Ne jemi në kontakt të ngushtë me Autostradën dhe po shkojmë në vendin e ngjarjes me Zv/ministrin Rixi,” shkruante në Twitter Ministri italian i Infrastrukturës dhe Transportit, Danilo Toninelli duke theksuar se ësht vetëm një orë larg.

Ndërkohë ministri i Brendshëm, Matteo Salvini shkruan në Facebook:

“Ne po ndjekim situatën minutë pas minute, kolapsin e urës Genova, falënderoj 200 zjarrfikësit  (dhe të gjitha heronjtë e tjerë) të cilët tashmë janë duke punuar për të shpëtuar jetë.

Dyshimet: Dështimi i strukturës

Shembja e urës mund të ketë ndodhur nga dështimi strukturor, që ndodhi në pjesën e Walter Fillak, në zonën e Sampierdarena.

Të dy rrugët kanë rënë në tokë për rreth njëqind metra: automjete të shumta janë përfshirë në këtë aksident.

Në autostradën A10, Genova-Savona aksi midis A7 Milano-Genova dhe Genova- Aeroport, në të dy drejtimet është mbyllur.

Ndryshe, Ura e Morandit, e ndërtuar në vitet gjashtëdhjetë, ndodhet midis Sampierdarena dhe Cornigliano, është e gjatë mbi një kilometër dhe e lartë 90 metra