Live/ Homazhe publike, trupi i Papa Françeskut vendoset në Bazilikën e Shën Pjetrit

Trupi i Papa Françeskut u vendos në Bazilikën e Shën Pjetrit këtë mëngjes, ku do të mund të bëhen homazhe përpara varrimit, që do të mbahet ditën e shtunë.

Ceremonia e zhvendosjes së trupit nga rezidenca Casa Santa Marta filloj në orën 09:00, ndërsa Kardinali Kevin Farrell po udhëheqë një lutje të veçantë.

Ndërkohë janë bërë me dije edhe oraret, kur do qëndrojë e hapur Bazilika për qytetarët.

Bazilika do të qëndrojë e hapur për publikun në këto orare:

E mërkure, 23 Prill: 11:00 – 24:00

Enjte, 24 Prill: 07:00 – 24:00

E premte, 25 Prill: 07:00 – 19:00

Ndërsa të shtunën e 26 Prillit, në orën 10:00, në ditën e parë të Novendialit, para Bazilikës së Shën Pjetrit do të kremtohet Mesha e Dritës e funerali i Papës Françesku, siç parashikohet nga Ordo Exsequiarum Romani Pontificis. Liturgjia mortore do të kryesohet nga kardinali Dekan Giovanni Battista Re. Më pas, arkivoli do të çohet në Bazilikën e Shën Pjetrit dhe prej andej në Bazilikën e Zojës së Madhe për varrim.