Video/ Irani: Kemi goditur Qendrën Operative të Mossadit në Tel Aviv
Garda Revolucionare Islamike, IRGC, ka bërë të ditur se ka kryer një sulm të suksesshëm me raketa ndaj qendrës kryesore të Agjencisë së Inteligjencës Mossad në Tel Aviv.
IRGC tha përmes një deklarate se njësitë e saj të Forcave Ajrore kryen një operacion efektiv kundër Mossad në orët e hershme të mëngjesit.
“Pavarësisht se mbrohet nga sistemet e avancuara të mbrojtjes ajrore, drejtoria e inteligjencës ushtarake e ushtrisë së regjimit sionist, e njohur si AMAN, dhe qendra e Mossadit në Tel Aviv, e cila përdoret për planifikimin e atentateve dhe akteve keqdashëse, u goditën nga sulmi i IRGC-së,” thuhet në deklaratë.
BREAKING:
— Globe Eye News (@GlobeEyeNews) June 17, 2025
Iran strikes Israeli intelligence agency Mossad's HQ. pic.twitter.com/7KxhG4fbhq
Mossad në flakë
IRGC tha se qendra e goditur e Mossadit tani është në flakë.
Forcat ushtarake iraniane kanë nisur disa sulme me raketa hakmarrëse ndaj objektivave izraelite që nga 13 qershori, pasi Izraeli sulmoi Iranin.
Sulmet izraelite ndaj objekteve bërthamore, ushtarake dhe rezidenciale iraniane kanë rezultuar me vrasjen e komandantëve ushtarakë, shkencëtarëve bërthamorë dhe civilëve, duke përfshirë 45 gra dhe fëmijë, raporton Agjencia iraniane të lajmeve Tasnim.
