Video/ Irani kërcënon SHBA-në: Ju mund ta keni nisur, por ne do ta përfundojmë këtë luftë!
Pas veprimeve të fundit ushtarake amerikane që Teherani thotë se kanë zgjeruar listën e objektivave legjitime për forcat iraniane, Ushtria e Iranit ka paralajmëruar Shtetet e Bashkuara për pasojat e tmerrshme nëse i bashkohet luftës në anën e Izraelit,
Në një video-mesazh të publikuar sot, zëdhënësi i Komandës së Përgjithshme Khatam al-Anbiya, Ebrahim Zolfaqari, tha se Washingtoni do të paguajë çmimin për veprimet e tij.
3/❗️ In a statement earlier today, Lt. Col. Ebrahim Zolfaghari, Spokesperson for Iran’s Khatam al-Anbiya Central Headquarters, said : “As we punish their illegitimate child aggressor, the criminal America must know—it has unleashed the warriors of Islam. We will not back down… pic.twitter.com/gbIMP8ThfZ
— 🪖MilitaryNewsUA🇺🇦 (@front_ukrainian) June 23, 2025
“Pasojat e rënda dhe operacionet vendimtare ushtarake e presin Amerikën,” tha Ebrahim Zolfaqari derisa në fund iu drejtua presidentit amerikan drejtpërdrejt në anglisht:
“Trump, bixhozxhi, mund ta kesh nisur këtë luftë, por ne do të jemi ata që do t’i japim fund.”
Ndërkohë në orët e para të ditës së sotme, lider suprem i Iranit, Ali Khamenei, reagoi për herë të parë pas bombardimeve të SHBA-së, duke lëshuar një mesazh të fortë në rrjetet sociale.
Përmes një positmi në rrjetin social X, Ali Khamenei, tha se “ndëshkimi i Izraelit do të vazhdojë”, por nuk përmendi Shtetet e Bashkuara ose Presidentin Donald Trump.
#همین_حالا
— KHAMENEI.IR | فارسی 🇮🇷 (@Khamenei_fa) June 23, 2025
مجازات ادامه دارد
دشمن صهیونی یک اشتباه بزرگی کرده، یک جنایت بزرگی را مرتکب شده؛ باید مجازات بشود و دارد مجازات میشود؛ همین حالا دارد مجازات میشود.#الله_اکبر pic.twitter.com/wH6Wk9nNhJ
“Armiku sionist bëri një gabim të madh, kreu një krim të rëndë; duhet të ndëshkohet dhe po ndëshkohet; po ndëshkohet në këtë moment,” u shpreh Khamenei përmes rrjetit social X.
Deklarata e tij shoqërohej me një poster me kafkë të thyer me yllin e Davidit të gdhendur në ballë, me dhjetëra raketa që e përshkojnë.
Ndryshe, nuk ishin këto kërcënimet e vetme, pasi edhe këshilltarët e liderit suprem, Ali Shamhani dhe Ali Akbar Velayati kishin mesazhe për situatën e krijuar.
“Edhe nëse objektet bërthamore shkatërrohen, loja nuk ka mbaruar, materialet e pasuruara, njohuritë e brendshme dhe vullneti politik do të mbeten,” shprehet Ali Shamhani përmes rrjetit social X duke shtuar se nisma politike dhe operacionale tashmë i përket palës që luan zgjuar dhe shmang sulmet e verbëra, ndërsa përfundon: “Surprizat do të vazhdojnë!”
“Çdo vend në rajon apo diku tjetër që përdoret nga forcat amerikane për të sulmuar Iranin do të konsiderohet një objektiv legjitim për forcat tona të armatosura,” tha Velayati përmes një mesazh të transmetuar nga Agjencia zyrtare e lajmeve iraniane IRNA, duke shkuar edhe më tej me kërcënimin:
“Nuk ka më vend për Amerikën dhe bazat e saj në këtë rajon dhe në botën islame,” tha Velayati duke përfunduar:
“Amerika ka sulmuar zemrën e botës islame dhe duhet të jetë e gatshme të përgjigjet, sepse Republika Islamike nuk toleron asnjë fyerje apo agresion kundër vetvetes.”
