Video/ Izraeli: Filloi faza e re e luftës! Australia: Miqësisht i tërheqim vërejtjen Izraelit!
Sot palestinezët në veri të Gazës lajmërojnë mbi sulmet e fuqishme ajrore dhe të artilerisë izraelite derisa forcat tokësore vazhdojnë ndërhyrjen ndërkohë ndërkombëtarët po bëjnë thirrje për mbrojtjen e civilëve.
Sipas mediave palestineze, Izraeli ka kryer sulme ajrore në afërsi të spitalit Shifa i Al-Quds në Gazë, derisa militantët palestinezë janë përballur me ushtarët izraelitë në zonën kufitare lindore të qytetit Khan Younis.
As Hamas dhe as ushtria izraelite nuk janë deklaruar lidhur me sulmet e sotme, ndërsa Agjencia britanike e lajmeve Reuters raporton se nuk i ka konfirmuar raportimet e mediave palestineze.
Pamjet e tankeve në bregun perëndimor të Gazës
Bombardimi i Rripit të Gazës erdhi disa orë pasi Izraeli publikoi pamjet e tankeve në bregun perëndimor, duke paralajmëruar rrethimin e mundshëm të kryeqytetit të Gazës, dy ditë pasi qeveria izraelite urdhëroi zgjerimin e ndërhyrjes tokësore në kufirin lindor. Disa foto tregojnë se si disa ushtarë izraelitë vendosin flamurin izraelit thellë në territorin e Gazës.
Watch: Video released by #Israeli army shows ground operations and strikes in #Gaza with armored tanks and bulldozers.
— Al Arabiya English (@AlArabiya_Eng) October 30, 2023
Read more: https://t.co/YjzFAEw8Bt pic.twitter.com/dV01xKQhpU
Sulmet te spitalet
Dje u kthye linja e telefonit dhe internetit, por kompania e telekomunikacionit “Patel” tha se për shkak të sulmeve ajrore izraelite sërish u detyrua ti ndërprejë në disa zona në veri, ku janë vendosur qendrat komanduese të Hamasit, i cili nga BE dhe SHBA është cilësuar organizatë terroriste.
Sulmet ajrore afër spitaleve, për të cilat kanë raportuar mediat palestineze, kanë pasuar pas paralajmërimit të Izraelit që të evakuuohet spitali Al-Quds ku janë strehuar rreth 14.000 njerëz. Palestinezët thonë se mbrojtje në spitalin Shifa kërkuan rreth 50.000 njerëz.
Australia: Miqësisht i tërheqim vërejtjen Izraelit
Ministrja e Punëve të Jashtme të Australisë, Penny Wong, i bëri thirrje Izraelit që të “dëgjoj” miqtë kur i kërkojnë që të mbrojë jetët e pafajshme në Gazë dhe paralajmëroi se bota “nuk do të pranoj vdekjen e vazhdueshme të civilëve”.
“Ky është konflikt i tmerrshëm, tragjik. Po shohim humbje jetësh. Shohim civilë të vrarë nga të dyja anët e konfliktit,” tha Wong për Radio National duke shtuar:
“Kemi parë civilë nga të dyja anët me dhimbje të mëdha. Ende kemi pengje izraelite që Hamas vazhdon ti mbajë. Kur miqtë izraelitë i bëjnë thirrje Izraelit që të mbrojë jetët e civilëve, siç bëjmë ne, e rëndësishme është që Izraeli të dëgjoj,” tha Wong.
Australia ishte ndër 45 shtetet duke përfshirë këtu Mbretërinë e Bashkuar, Gjermaninë, Indinë dhe Kanadanë, që kanë abstenuar për propozimin e Asamblesë së Përgjithshme të OKB, e cila bënë thirrje për armëpushim humanitar. Australia tha se propozimi “nuk është i plotë” sepse nuk ka dënuar Hamasin për sulmin e 7 tetorit.
Ndryshe, Izraeli ka intensifikuar sulmet ajrore si dhe ka bllokuar Gazën pas sulmit të 7 tetorit kur u vranë rreth 1.400 njerëz, dhe u rrëmbyen 239.
