Video/ Ja si “prodhohen” votat e pavlefshme nën kujdesin e patronazhistëve
Çështje shqetësuese e këtyre zgjedhjeve u bë padyshim numri i madh i votave të pavlefshme që po kap shifrën 50 mijë ndërkohë Lëvizja Vetëvendosje sjell edhe video dëshmi ku shihet se si tjetërsohet vullneti qytetarë duke u “prodhuar” fletë votimi të pavlefshme.
Kandidati i kësaj Lëvizje, Boiken Abazi, pretendon se i janë mainpuluar 6.000 vota ndërsa ky zell kriminal dëshmohet nga falënderimi që bënë Edi Rama dhe sejmeni i tij Erion Veliaj për patronazhistët në dalje publike.
Ndryshe, denoncimi i kreut të Lëvizjes Vetëvendosja në Tiranë, Boiken Abazi, erdhi fillimisht nga “Shkolla e Kuqe” ku ia tha se komisionerët po bëjnë të pavlefshme votat e LVV, duke vënë edhe një X tjetër në fletën e votimit ndërsa paralajmëroi edhe video- dëshmi.
“Është duke ndodhur, edhe në këtë qendër votimi, ata vendosin me X një kuti të dytë, aty ku është votuar për ne, për t’i shpallur votat të pavlefshme. Numri i votave të pavlefshme po rritet me shpejtësi. Në bindjen tonë kjo rritet, sepse po i nxjerrin fletëvotimet të pavlefshme. Kandidati ynë, Kreshnik Merxhani, ka nxjerrë tani një video, ku shihet se si komisioneri vendos një X në fletën e votimit, ku ne besojmë për t’i shpallur ato të pavlefshme. Këta po vjedhin në bashkëpunim. Qartazi një pjesë është e lidhur drejtpërdrejt me PS. Nga informacionet që kemi nga vëzhguesit tanë, shumica janë me PS, por ka edhe me PD. Polica po keqpërdoret sërish, me urdhra të jashtëligjshëm, që ata po i zbatojnë, me frikën se mos i heqin nga puna. Ka pasur momente kur policia ka ndërhyrë fizikisht edhe ndaj meje.
Është shumë e rëndësishme që problematikat e këtij procesi të dalin në pah. Ne jemi këtu në një projekt afatgjatë, ky është vetëm hapi ynë i parë elektoral në Republikën e Shqipërisë. Këtu kemi mësuar se si këta e deformojnë votën drejtpërdrejt. Ka dhe një problematikë tjetër, dje procesverbali kishte 13 emrat në listë, ku unë jam i 13, ndërsa sot kishte vetëm 12, më kishin zhdukur. Kur u ankova, më thanë që të paraqes shkresën me shkrim. Kjo është situata në të cilën po zhvillohen këto zgjedhje në Shqipëri”, tha kreu i LVV në Tiranë, Boiken Abazi
DENONCIM TJETËRSIM I VULLNETIT TË QYTETARËVE NGA NUMËRUESIT PARTIAK
Mbi 1000 vota të pavlefshme në qarkun Gjirokastër, nuk janë rastësisht. Në video duket qartësisht se si ky mekanizëm 30-të vjeçar minon demokracinë dhe tjetërson vullnetin e votuesve.
Në qytetin e Tepelenës, në Pallatin e Kulturës Tepelenë, saktësisht KZAZ Nr.79, në orën 06:51, datë 26.04.2021, konstatuam se numëruesit pa u penguar nga askush dhe haptazi, pasi shumica e vëzhguesve lanë qendrën e numërimit pasi ju komunikua se u mbyll procesi, një tjetër proces nisi paralelisht ai i falsifikimit të fletëve të votimit.Vëzhguesit tanë, filmuan dhe dokumentuan atë proces që kolegët në Tiranë e kanë deklaruar publikisht.
Njësojë si kanë vepruar në Tiranë, dhe në qarkun Gjirokastër fenomeni është i njëjtë. Kjo është një nga mënyrat se si po e vjedhin dhe/ose deformojnë votën tonë në këto zgjedhje.
Aty ku qytetari ka vendosur një “X” poshtë nr. 13 në fletën e votimit pranë emrit tim, te i njëjti fletëvotim kanë vendosur edhe një “X” tjetër te një prej subjekteve apo kandidatëve të çfarëdo force tjetër, duke e shpallur të pavlefshme fletën e votimit ose duke e deklaruar ndryshe.
Ne marim angazhimin ta ndjekim çështjen penalisht!
