Video/Kadirov: Nëse nuk e kapim kriminelin, do ti vrasim anëtarët e familjes
Lideri çeçen, Ramzan Kadirov, i ka bërë thirrje forcave të tij të sigurisë që të ndëshkojnë familjen e atyre që kanë kryer krime. Këto këshilla bashkëpunëtori i ngushtë i presidentit rus Vladimir Putin i dha gjatë një takimi me komandantët dhe shefat e njësiteve të ministrisë së Brendshme të Çeçenisë dhe Gardës Kombëtare.
“Nëse dikush shkel sigurinë publike, zyrtar ose turist, e madje nëse nuk e gjejmë autorin, nuk do të vazhdojmë ta kërkojmë, por e sigurt është që do ti gjejmë familjen e tij,” tha Kadirov në takimin i cili u përqëndrua se si duhet të garantohet siguria publike nga pushteti në ditët e festave.
“Siç është tradita nga kur mbahet mend, nëse dikush nga familjarët gabon dhe krimineli nuk mund të gjendet, vëllau i tij, babai i tij, do të vritet,” tha lideri çeçen, raportojnë mediat lokale duke përfunduar:
Kadyrov suggested killing relatives of criminals for the crimes they committed:
— Anton Gerashchenko (@Gerashchenko_en) January 2, 2024
"If someone infringes on public safety, an officer or a tourist, and if we don't even find the offender, we won't keep looking for them, but we will definitely find their relatives. As is customary… pic.twitter.com/pwEzvzAIBC
“Kështu gjakmarrja shumë shpejt do të shpaguhet. Ndryshe, personi vranë dikë dhe ngelet i pandëshkuar, e familjarët fillojnë të heqin dorë nga ai. Nuk ka efekt kurrfarë heqje dore të familjes deri sa nuk vrasim dikë nga familja e tij, dhe nuk e marrim të drejtën e gjakmarrjes.”
Ndryshe, Ramzan Kadirov, nga vitit 2007 qeveris republikën me shumicë myslimane, Çeçeninë. Grupimet ndërkombëtare e akuzojnë se është përgjegjës për shkelje të shumëta të të drejtave të njeriut, duke përfshirë rrëmbimet, keqtrajtimet dhe vrasjet e paligjshme, por, ai ngelet njëri ndër bashkëpunëtorët më të besuar të Vladimir Putinit.
