Video/ Kallëzim penal, PD: Ja shkeljet e kryebashkiakut të Tiranës, Erion Veliaj…

“Tani po kthehem nga Prokuroria ku dorëzova kallëzimin penal  kundër kryebashkiakut të Tiranës Erion Veliaj për shpërdorim detyre dhe shkelje të barazisë në tendera.” Kështu deklaroi deputeti i Partisë Demokratike, Klevis Balliu, duke theksuar edhe shkeljen ligjin për t’i dhënë miliona euro të tjera, kompanisë Fusha shpk, të cilën e përzgjodhi për të shembur Teatrin dhe ndërtuar kullat me paratë e drogës, kompani të cilën siç tha deputeti demokrat e kishte përdor edhe  për të vjedhur tek sheshi Skënderbej.

“Erion Veliaj ka shkelur ligjin në mënyrë flagrante për t’i dhënë miliona euro të tjera, kompanisë Fusha shpk, së njëjtës kompani që zgjodhën për të vjedhur tek sheshin Skënderbej dhe së njëjtës për të shembur Teatrin dhe ndërtuar kullat me paratë e drogës dhe korrupsionit. Në kundërshtim të plotë me ligjin, Veliaj i ka dhënë Fusha shpk, 2.6 milionë euro për blerjen e 400 pishave! Ligji përcakton garë transparente, por për këtë firmë ligji eliminohet. Një pishë 6500 euro copa!”