Video/ Kampioni Turzimit, Edi Rama në “Rrugën e Samir Manes”, 27 makina dhe 16 punëtorë!

Në kohën kur Kryeministrin Edi Rama po e kërkonte opozita në parlament për interpelancë lidhur me skandalin e inceneratorëve, me komandë u shfaq në ekranet e të gjitha televizioneve duke “inspektuar” rrugët Orikum – Dukat dhe Palasë – Dhërmi ndërsa e cilësoi Shqipërinë si kampione të Ballkanit në Turizëm, në të dy akset gjatë këtij transmetimi “live” kaluan vetëm 27 makina.

“Në akset e reja Orikum – Dukat dhe Palasë – Dhërmi, ende në punë e sipër po të hapura përkohësisht, për të lehtësuar qarkullimin e automjeteve, në këtë periudhë fluksesh të larta të lëvizjes së automjeteve,” shprehet Edi Rama duke premtuar se kjo rrugë do të përmbyllet në qershorin e vitit 2024 edhe pse u panë të punojnë vetëm 16 punëtorë dhe dy makineri ndërsa përfundon:

“Në qershorin e 2024-ës kjo pjesë shumë e rëndësishme e gjerdanit të ri infrastrukturor të bregut Jonian do të jetë e përfunduar, ndërkohë që po punohet me projektin për rrugën e re turistike që nga Dhërmiu në Himarë dhe Sarandë, përmbi kreshtat e kodrave, e cila do të jetë një alternativë çliruese për zhvillimin e infrastrukturës hoteliere dhe natyrisht trafikun në bregdetin jugor të Shqipërisë 2030, kampione e Ballkanit në Turizëm,” shprehet Kryeministri Edi Rama që bazuar nga frekuentimi i makinave në akset Orikum – Dukat dhe Palasë – Dhërmi, arsyeton vetëm cilësimin e legjendës urbane “Rruga e Samir Manes”!

E, nëse vërtetë do të shoh një lloj kampioni të turizmit, Kryeministri Edi Rama mund të shkoj në Milot, aty ku shqiptarët e Kosovës vazhdojnë të vijnë në kolona të gjata, dhe po aty bukosen si në drejtim të Lezhës ashtu dhe Tiranës dhe Durrësit!

Apo, pak rëndësi ka që presin nga 3-4 orë, kosovarë janë…

Vetëm përpara! Vetëm jo në Veri!