VIDEO/ Kaos në Komisionin parlamentar, Veliaj nuk pranon të dalë nga salla. Garda nuk ndërhyn…

Komisioni Parlamentar i Medias është përfshirë nga kaosi për shkak se Erjon Veliaj, Kryetar i Bashkisë së Tiranës, nuk ka pranuar të lërë sallën e mbledhjes, megjithëse nuk ka qenë i ftuar në këtë mbledhje.

Albana Vokshi, kryetare e komisionit, i ka kërkuar punonjësve të gardës së Republikës, që të ndërhyrjnë dhe të nxjerrin jashtë sallës Erjon Veliajn, por as këta të fundit nuk kanë zbatuar urdhërin për t’a nxjerrë jashtë.

“Ju në vend që të zbatoni rregulloren keni marrë në mbrojtje atë që ka hyrë në mënyrë të paligjshme. Do propozoj masa ligjore ndaj jush, mos e merrni në mbrojtje, zbatoni ligjin”, i është drejtuar Vokshi, punonjësve të sigurisë, që kanë si detyrë të garantojnë mbarëvajtjen e punimeve në Kuvend.