Video/ Kapen 1.3 ton kokainë, një shqiptar në krye të bandës kriminale italo-shqiptare

Autoritetet italiane kanë sekuestruar mbi 1 ton kokainë në portin e Savonës.

Kokaina ishte e ndarë në 741 pako, të ambalazhuara në 26 mbështjellës celofani, të fshehura me zgjuarsi në pjesët e motorëve të varkës, me një peshë totale rreth një ton.

Droga dyshohet se i përket një bande italo-shqiptare, pasi operacioni që është kryer nga autoritetet policore të Barit është vazhdim i atij të 2 janarit kur u arrestuan 4 shqiptarët, të cilëve iu gjet 353 kilogramë kokainë, e fshehur në dhomat e hotelit. Gjithashtu edhe në atë rast droga kishte mbërritur në portin e Savonës.

Pas arrestimit të katër shqiptarëve më 2 janar, Guardia di Finanza kishte mësuar për mbërritjen në port të një ngarkese tjetër me lëndë narkotike në një anije tregtare me flamur të Hong Kongut, e cila u nis nga porti i Santos në Brazil më 30 dhjetor. Kjo është arsyeja pse u aktivizua monitorimi i ngarkesës, me mjete ajrore dhe detare, pasi ajo kishte kaluar Gjibraltarin.

Ndryshe, 1.3 kokainë e sekuestruar në Portin e Savonës në Itali, ishte fshehur në pjesën e zhytur të anijes tregtare dhe u gjet nga zhytësit nga Seksioni i Operacioneve Detare të Savonës. Ngarkesa e sotme, raportojnë mediat italiane u përket 4 shqiptarëve të arrestuar më 2 janar ndërkohë mësohet se në total në atë periudhë u arrestuan 14 persona, 5 prej të cilëve ishin edhe shqiptarët.

Ngarkesa me lëndë narkotike u sekuestrua nga Policia Financiare e Barit  dhe ishte e ambalazhuar në 26 mbështjellës.  Sakaq operacioni është pjesë e hetimeve të Fiamme Gialle të Barit.BW/